مسقط۔ 14جنوری (اے پی پی) وزیر خارجہ مخدوم شاہ محمود قریشی پارینے کہ پاکستان نا حکومت و الس اومان نا ایماندار سلطان قابوس نا کزیت آ است ہسون ءُ و غم اٹی بریبر نا شریک ءُ، ایماندار سلطان قابوس اسہ زیرک، مدبر و امن پسند حکمران نا وڑاٹ چاہنگاکہ۔ داخیال آتا درشانی ءِ او سلطنت اومان نا پوسکن آ حکمران سلطان ہیتھم بن طارق السید تون اوڑدہی ٹی کرے۔ وزیر خارجہ صدر پاکستان، وزیراعظم عمران خان و پاکستانی الس نا کنڈآن اونا پیش رو سلطان قابوس بن سید نا کزیت آ ہڑزخواہی نا درشانی ءِ کرے۔ وزیر خارجہ پارے کہ پاکستان نا حکومت و الس اومان نا ایماندار سلطان قابوس نا کزیت آ است گرفتہ ءُ و دا غم اٹی بریبر نا شریک ءُ۔ ایماندار سلطان قابوس اسہ زیرک، مدبر و امن پسند حکمران نا وڑاٹ چاہنگاکہ۔ اوپارے کہ اونا دور حکومت اٹی اومان مثالی شونداری کرے۔ سلطان قابوس نا دنیا غان رخصت مننگ آن سلطنت اومان اسہ ہر دلعزیز لیڈر و پاکستان اسہ مخلص، باپت و پرخلوص دوست اسے آن محروم مسنے۔ وزیر خارجہ ایماندار سلطان قابوس نا بخشش و درجہ غاتا بڑزی کن دعا کرے۔ سلطان ہیتھم وزیر خارجہ مخدوم شاہ محمود قریشی نا بننگ و ہڑزخواہی نا منت واری ءِ ہرفسا باوری کرفے کہ اومان نا حکومت ایماندار سلطان نا زریں اصول آتے مشعل کرسا کرسا امن و سلامتی نا مون آ دننگ کن کوشست کرسا کیک۔ سلطان ہیتھم بن طارق السید دا عزم انا درشانی ءِ کرے کہ بروک آ دے تیٹی اومان و پاکستان نا نیام اٹ تعلقداریک پین مون آ کارہ۔
