اسلام آباد۔ 14جنوری (اے پی پی) صدر مملکت ڈاکٹر عارف علوی پارینے کہ مقبوضہ کشمیر اٹی انسانی حق انا خلاف ورزی تیا جہانی برادری نا رویہ است آزاری نا سوب ءِ، جنگ آ باور کپنہ، جوہری لائخی ملکی دفاع کن ءِ، سائنسی بشخ انا شونداری انسان تا راجی آسراتی کن بایدے کاریم اٹ اتنگے، سائنسی شونداری نا انسانی زند آ مثبت زہم تمک۔ داخیال آتا درشانی ءِ او سے شنبے نادے آ اپلائیڈ سائنسز اینڈ ٹیکنالوجی کانفرنس آن تران کرسا کرے۔ صدر مملکت پارے کہ ای طالب علمی نا زمانہ ٹی فزکس و ریاضی ٹی بھاز جوان ئسٹ۔ سائنسی شونداری نا انسانی زند آ گچین زہم تمک۔ اوپارے کہ مچ آ دنیا ٹی سائنس نا بشخ اٹی شونداری نا بھلو وارخواہی اس ارے۔ نن مصنوعی ذہانت نا بشخ اٹی مروک آ شونداری آن بایدے فائدہ ہرفن۔ اوپارے کہ سائنسی بشخ انا شونداری انسان تا راجی آسراتی کن بایدے کاریم اٹ اتنگے۔ جان جوڑی نا بشخ اٹی شونداری کن سائنسی علم انا اہم ءُ کڑد اسے۔ صدر مملکت پارے کہ مقبوضہ کشمیر اٹی انسانی حق آتا خلاف ورزی تیا جہانی برادری نا رویہ مایوس کن ءِ۔ جنگ آ باور کپنہ، جوہری لائخی ملکی دفاع کن ءِ۔ جنگ آک انسانیت کن بھس کاری و مشکل آتا سوب مریرہ۔ اوپارے کہ پاکستان سائنسی پٹ وپول نا بشخ اٹی شونداری کننگ ءِ۔ دنیا گلوبل وارمنگ کون آ جہانی ویل آتا ایسری کن کوشست کے۔
