اسلام آباد۔ 14جنوری (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ ہراوڑاٹ موسمیاتی بدلی پیش بننگ ءِ او پاکستان اٹی جان جوڑی کن غٹ آن بھلا خطرہ ءِ، پاکستان دنیا نا موسمیاتی بدلی تا گھڑتی تا پلویڑ اٹی مروک ملک آتیان اسٹ ءِ، ننے دا بدلی تا اسہ وڑاٹ گام گیج کن کوشست کروئی مریک، کمیٹی بروک آ منہ تُو تیٹی داڑا سلاہ و سوج پیش کیک۔ داخیال آتا درشانی ءِ او سے شنبے نادے آ تینا کماشی ٹی موسمیاتی بدلی و جان جوڑی نا بابت چاہندار آتا ورکنگ پڑک نا دیوان اٹی گپ و تران کرسا کرے۔ خصوصی کمکار پارے کہ ہراوڑاٹ موسمیاتی بدلی پیش بننگ ءِ او پاکستان اٹی جان جوڑی کن غٹ آن بھلا خطرہءِ۔ پاکستان دنیا نا موسمیاتی بدلی تا خطرہ غاتیا دوچار ملک آتیان اسٹ ءِ۔ ننے دا بدلی تا اسہ وڑاٹ گام گیج آتے کن کوشست کروئی مریک۔ بروک آ منہ تُو تیٹی کمیٹی داڑا سلاہ و سوج پیش کیک۔ اوپارے کہ چاہندار آتا رداٹ دا صدی نا ایسر اسکان گلوب وارمنگ اٹی پاکستان اٹی 6 ڈگری سینٹی گریڈ درجہ حرارت بڑزاکاہک۔ اثر آتیان بچنگ کن ننے المی گام گیج کروئی مریک۔ اوپارے کہ پاکستان اٹی موسمی تغیرات آتا سوب آن انسانی جان جوڑی آ ہرا زہم آک تمرہ اوڑا کمیٹی موسمیاتی بدلی نا سوب آن انسانی جان جوڑی آ مروک آ زہم آتیا سجفک۔ دا ایریا غا اینو اسکان ہچ کس چکار کتنے۔ ڈاکٹر ظفر مرزا پارے کہ اسہ ہندن ءُ پالیسی اس جوڑ کننگ خوانہ تانکہ بدلینگوک آ موسم تون تینا زند انا وڑ ءِ بدلینگ انگ تون اوار اوار موسمیاتی بدلی آن نسخان ہرفنگ نا جاگہ غا فائدہ دوئی کین۔
