اسلام آباد۔ 14جنوری (اے پی پی) بنجائی وزیر ڈٹ بندی، اصلاحات و خصوصی گام گیج اسد عمر پارینے کہ وزیر اعظم عمران خان کراچی نا بنداوی انفراسٹرکچر اٹی ترندی اٹ گچینی ہُننگ نا خواہندار ءِ، کے پی ٹی آن پیری اسکان فریٹ کوریڈور، ناردرن بائی پاس، لیاری ایکسپریس وے، کراچی سرکلر ریلوے کون آ ڈٹ آتیا بنجائی کاریم کننگ ءِ۔ کراچی ڈٹ انا بابت دیوان نا کماشی ءِ کرسا بنجائی وزیر پارے کہ کے پی ٹی آن پیری اسکان فریٹ کوریڈور، ناردرن بائی پاس، لیاری ایکسپریس وے، کراچی سرکلر ریلوے کون آ ڈٹ آتیا بنجائی کاریم کننگ ءِ۔ کراچی ٹی برجا ڈٹ آتے کن چندی محکمہ غاتا نیام اٹ کورآرڈنیشن و کمکاری ءِ پک کننگے۔ اوتعلقدار بنجائی محکمہ غاتے پارت کرینے کہ او ڈٹ آتا پروسیسنگ ءِ ترند کیر تانکہ دا اہم ڈٹ آتیا عملدرآمد بناکننگ کے۔ اوپارے کہ بنجائی وزارت آک و محکمہ غاک ڈٹ آتیا کارروائی و عمل اٹی ترندی اتیرہ و اومیت ءِ کہ صوبائی کمامدارآک ہم ہنداوڑ ہی کیرہ۔ دیوان اٹی فیصلہ کننگاکہ پاکستان ریلوے، کے پی ٹی و وزارت ڈٹ بندی جنوری 2020ء نا ایسری آن مست فریٹ کوریڈور، ناردرن بائی پاس و لیاری ایکسپریس وے اکن اسیجا سلاہ اس تیار کیک۔ دیوان اٹی کے سی آر نا پروسیسنگ نا بابت پیش رفت نا ذکر ءِ کننگا و فیصلہ کننگاکہ ڈٹ آتے مون آ دننگ کن زیر التواباندات آتے ہندا تُو انا تہہ ٹی ایسر کننگک۔ وزیر ڈٹ بندی پارے کہ بنجائی حکومت دا اہم ڈٹ آتا پورو مخ تفی ءِ کیک۔
