اسلام آباد ۔ 13 جنوری (اے پی پی) مزن وزیر عمران خان ءَ تاجریں برات آنی سر ءَ زور پر دات کہ صنعتی ضلورت آناں سرجم کنگ ءِ واستہ لاءک ءِ گہتریں ھاٹیگ ءِ منصوبگ بجن انت ایشی ءِ تہ ءَ حکومت کمک پجاری کنگ، حکومت ھمک رنگ ءِ کوشست کنگ ءَ انت پاکستانی چیز آناں میاں اوستمانی منڈی آناں تاں سر کنگ ءَ مقابلہ کت بکن انت ءُُ پاکستانی تاجر یں برات آناں گیشاں چہ گیش سیت بہ رس ایت ۔ اے ھیالانی درشانی آئی ءَ صدر ءُُ بنجاھ ءِ صنعت ءُُ تجارت پاکستان میاں انجم نثار ءِ سروکی ءَ ایف سی سی آئی ءِ ڈل ءَ گوں تران ءِ ساھت ءَ کت آئی ءَ مزن وزیر ءَ گوں دو شمبے ءَ گند ءُُ نند کت ۔ ڈل ءَ نائب صدر ءُُ عبدالقیوم قریشی (سندھ)، قیصر خان (خیبر پختونخوا)، زاہد اقبال (پنجاب)، محمد علی قائد (اسلام آباد)، ندیم شیخ (سمال ٹریڈرز)، روحی رضوان (وویمن چیمبر) ءُُ ایوان صنعت ءُُ تجارت ءِ ایندگر کلانہ ایں کارندہ ھوار اتنت ۔ گند ءُُ نند ءَ وزیر برائے ھاٹیگ عمر ایوب، مشیر تجارت عبدالرزاق داوَد، ھاسیں کمکار ندیم بابر، چیئرمین سرمایہ کاری بورڈ سید زبیر حیدر گیلانی ءُُ ایندگر اپسرگ ھم اے موہ ءِ سر ءَ ساڑی اتنت ۔
