مزن وزیر عمران خان ءِ پنت ءُُ شون
اسلام آباد ۔ 13 جنوری (اے پی پی) مزن وزیر عمران خان ءَ گوشت کہ ملکی برآمد آنی دیمروئی حکومت ءِ اولی کار آنی تہ ءَ ھوار انت، کابینہ ءَ چہ منظور کتگیں ای کامرس پالیشی ءُُ نیشنل ٹیرف پالیشی ءِ سر ءَ کار ءِ واستہ گامگیج ءَ را زوتاں چہ زوت پکوئیں رنگ دیگ بہ بیت تانکہ پالیشی ءِ سر ءَ کار بہ بیت ایشی ءِ برورد آں چہ کاروباری برات سیت مند بنت، مزن وزیر ءَ پنت ءُُ شون کت کہ برآمد کنگ ءِ پڑ ءَ را گیش ودینگ ءِ رد ءَ سیم سر آناں گیشینگ بہ بیت ءُُ توا میں سیادی داروکیں ادارگ آنی کرد آناں نشان دیگ بہ بیت ۔ اے ھیالانی درشانی آئی ءَ دو شمبے ءَ کامرس ڈویژن ءِ کار کرد ءِ چار ءُُ بچاری دیوان ءِ سروکی ءَ کنان ءَ کت ۔ دیوان ءَ مشیر ءِ تجارت عبدالرزاق داءود ، سیکرٹری کامرس سردار احمد نواز سکھیرا ءُُ ایندگر کلانہ ایں اپسرگ شریک اتنت ۔ مزن وزیر ءَ کامرس ڈویژن ءِ نیمگ ءَ چہ گیشینتگیں سیم سر آنی در جنگ ، آیوکیں باندات ءِ گامگیج ءُُ ھاسیں رنگ ءَ پاکستانی چیز آناں میاں اوستمانی تک ءَ پجار کنائینگ ءُُ ملکی برآمدی چیز آنی تہ ءَ گیشی ءِ ھوالگ ءَ گامگیج آنی سر ءَ سرج میں بریفنگ دیگ بوت ۔ مزن وزیر ءَ دیوان ءَ گوں گشتانک دیان ءَ گوشت کہ ملکی برآمدی پڑ ءَ را دیمروئی حکومت ءِ اولی کار آنی تہءَ ھوار انت ۔ آئی ءَ گوشت کہ کابینہ ءِ منظور کتگیں ای کامرس پالیشی ءُُ نیشنل ٹیرف پالیشی ءِ سر ءَ گامگیج ءِ واستہ کار آناں پکوئیں رنگ دیگ بوھگ ءَ انت تانکہ پالیشی آنی سر ءَ گیش سیت گرگ بہ بیت ۔ مزن وزیر ءَ پنت ءُُ شون کت کہ برآمدی پڑ ءَ را ودینگ ءِ واستہ سیم سر گیشینگ بہ بیت ءُُ توا میں سیادی داروکیں ادارگ آنی کرد آناں گیشینگ بہ بیت ۔ آئی ءَ گوشت کہ گیشینتگیں سیم سر آنی اولی سے ماہی ءُُ ششماھی بنیات آنی سر ءَ چار ءُُ بچار گرگ بہ بیت تانکہ ایشانی در جنگ دل یکیمی بہ بیت ۔
