تہران۔ 13 جنوری (اے پی پی) وزیر خارجہ مخدوم شاہ محمود قریشی تہران اٹی ایران نا وزیر خارجہ جواد ظریف تون اوڑدہی کرے۔ ہڑتوم آ وزیرخارجہ غاک ایران امریکہ بے چیٹی، ڈیہہ ٹی امن و ایمنی نا حالیت و ہڑتوم آ کنڈآتا تعلقداری تا بابت سرجم گپ و تران کریر۔ مخدوم شاہ محمود قریشی پارے کہ دے ٹکی نیامی ٹی ودوک آ بے چیٹی تا مون ءِ توننگ، و باندات آتے پرامن وڑاٹ ایسر کننگ کن غٹ کڑدہ غاتے تحمل، سگ و پامداری نا درشانی ءِ کرسا مذاکرات نا کسر ءِ تینا کننگ نا گرج ءِ و ڈیہہ ءِ نزور ی آن بچفنگ و بے چیٹی تیٹی کمتی اتنگ کن غٹ کنڈآتے سنجیدہ کوشست آتے کاریم اٹ اتوئی مریک۔ وزیر خارجہ مخدوم شاہ محمود قریشی تینا ایرانی ہم منصب ءِ ڈیہہ نا ایلو وزیر خارجہ غاتون مروک آ رابطہ غاتا سرجم آتیان ہم معلومدار کرے۔ ایرانی وزیر خارجہ جواد ظریف ڈیہہ ٹی امن کن وزیراعظم عمران خان نا عزم انا ستاءِ کرسا وزیر خارجہ مخدوم شاہ محمود قریشی ءِ باوری کرفے کہ ایران مست ہم ”امن کوشست آتا“ تائیدءِ کریسس و داسہ ہم نن پاکستان نا دا کوشست آتے بخیراٹ پانہ۔
