اسلام آباد۔ 13جنوری (اے پی پی) چیئرمین سینیٹ محمد صادق سنجرانی پارینے کہ سلطان قابوس ترقی پسند سوچ تخوک ءُ عظیم ءُ راہشون اس ئس، سلطان قابوس نا کماشی ٹی عمان اقتصادی و معاشی شونداری نا اسہ پوسکن ءُ دور اس خنانے، سلطان قابوس نا کزیت آن پاکستان اسہ عظیم و مخلص دوست اسے آن محروم مس۔ سینیٹ سیکرٹریٹ نا رداٹ داخیال آتا درشانی ءِ او اسلام آباد اٹی عمان نا سفارت خانہ نا دورہ ءِ کننگ نا وخت آ کرے۔ اوعمان نا سروک سلطان قابوس نا کزیت آ ہموڑے تخوک آ ہڑزخواہی کتاب اٹی تینا تاثر آتے نوشتہ کرے۔ داوخت آ چیئرمین سینیٹ صادق سنجرانی پارے کہ سلطان قابوس شون پسند سوچ تخوک ءُ عظیم راہشون اس ئس، سلطان قابوس نا کماشی ٹی عمان اقتصادی و معاشی شونداری نا اسہ پوسکن ءُ دور اس خنانے۔ اوپارے کہ سلطان قابوس نا کزیت آن پاکستان اسہ عظیم و مخلص دوست اسے آن محروم مس، اونا بین المذاہب ہم آہنگی و امن کن خذمت آتے گیرام کننگ مفک۔ چیئرمین سینیٹ پارے کہ پاکستانی قوم عمان نا حکومت، الس و کماشی تون ڈکھ انا داساہت اٹی بریبر نا شریک ءِ۔ چیئرمین سینیٹ زرس وخت عمان نا سفارت خانہ ٹی گدریفے و سلطان قابوس نا کزیت آ اومانی سفیر و سفارت خانہ نا سینئر آفیسر آتون ہڑزخواہی و فاتحہ خوانی کرے۔
