اسلام آباد۔ 12 جنوری (اے پی پی)مزن وزیر ءِ صلاحکار برائے بیئپار عبدالرزاق داود ءَ گوشت کہ حکومت ٹیکسٹائل چیزانی امپورٹ ءُُ ملک ءِ تہ کسانیں تک ءِ بیئپار ءِ پراھی اولی دلگوشی دیگ انت۔یک شمبے ءَ وتی گلگدار ءِ تہ آہاں گوشت کہ امپورٹ ءِ تہ ودکی ءِ ھاترا حکومت ءَ جندی تک ءَ را 17.5ارب کلدار ءِ ریفنڈز کتگ ات ءُُ گوزوکیں ماہ ءِ تہ اے تک ری فنڈ ءِ مد ءِ تہ گیش پے منٹ کن بنت۔بیئپار ءِ مشیر ءَ گوشت کہ حکومت ءَ پالیسی جوڈ کتگ کہ امپورٹ تک ءَ را ٹیکسز ءُُ ڈیوٹیز ءِ مد ءَ انسینٹو دیگ بیت اے مکسد ءِ ھاترا ایف بی آر ءَ گوں ھواری ءَ حکمت عملی جوڈ کنگ بوھگ انت۔عبدالرزاق داود ءَ گوشت کہ کسانیں تبک ءِ بیئپار ءِ پراھی ھم حکومت ءِ دلگوشی ءَ ھوار انت۔پرچاکہ جندی تک ءِ تہ گیش روزگار ءِ موہ پھجار گ بوھگ انت۔عبدالرزاق داود ءَ گوشت کہ معیشت ءِ گہبودی ءِ ھاترا حکومت ءِ نیمگا چہ چست کتگیں گامگیج آنی شریں آسر دیما آھگ انت،امپورٹ ءِ تک ءِ تہ شریں دیمروئی بوھگ انت، گوئد ءُُ پولٹری چیزانی امپورٹ ءِ تہ 34 درسد ودکی بوتگ،سعودی عرب ءُُ متحدہ عرب امارات ءَ را پولٹری ءِ مزنیں کساس ءَ امپورٹ کنگ بوھگ انت۔اے وڈ ءَ چین ءَ را تیابی چیزانی امپورٹ کنگ بوھگ انت۔
