اسلام آباد۔ 12 جنوری (اے پی پی)مزن وزیر ءِ ھاسیں کمکاربرائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ دری کارانی وزیر شاہ محمود قریشی ءِ ایران ءُُ سعودی عرب ءِ تروتاب احتلاف آنی پُرامنیں حل ءُُ کشیدگی ءِ تہ کمی ءِ ھاترا سفارتی محاذ ءِ سرا پاکستان ءِ مخلصانہ کوشستانی پدریں ثبوت انت۔اے تروتاب دمگی امن ءُُ گہبودی ءَ را تاگت دات۔یک شمبے ءَ چاگردی رھوت ءِ ویب سائٹ ٹویٹر ءِ سرا وتی کلوھ ءِ تہ آہاں گوشت کہ امت مسلمہ ءُُ دمگ ءِ تہ امن ءِ مفاد ءِ ھاترا ایکٹو کرد ادا کنگ پاکستان ءِ ھاترا اعزاز انت،ایشی ءِ اسلامی ملک ءُُ مگربی دگنیا تحسین کنگی انت،مزن وزیر عمران خان ءِ راھشونی ءِ تہ نوکیں پاکستان ءِ روژن کرد انت ءُُ ایشی ءِ میاں اوستمانی پجار ءَ را بدل کنگ انت۔آہاں گوشت کہ ایرانی دری کارانی وزیر جواد ظریف ءُُ سعودی دری کارانی وزیر شہزادہ فیصل بن فرحان آل سعود ءِ گوما گند ءُُ نند ءِ تہ خلیجی خطہ ءِ نوکتریں جاورھال ءِ سرا ھیال ریچی کنگ بیت ءُُ دری کارانی وزیر ءَ تنازعات ءِ ھلاسی ءِ سرا زور مان کن انت۔
