اسلام آباد۔ 12 جنوری (اے پی پی) مزن وزیر ءِ لینڈ ریکارڈ مینجمنٹ ءَ راڈیجیٹل جوڈ کنگ ءِ وژن ءِ ردا کیپیٹل ڈویلپمنٹ اتھارٹی (سی ڈی اے) ءُُ سروے آف پاکستان (ایس او پی) ءَ سروے ءُُ میپنگ ءِ کار ءِ تہ کمک ءِ ھاترا وت مہ وتی مفاہمت ءِ یات گیری ءِ سرا دست چنگل کنگ بوتگ ات۔ اے یاتگیری ءِ ردا سروے آف پاکستان ءِ زانتکار اسلام آباد کیپیٹل ٹیریٹری ءِ سرجم سروے کنان ءَ کیڈسٹرل میپ تیار کنان ءَ اسلام آباد کیپٹل ٹیریٹری ءِ ڈویلپمنٹ ءِ ھاترا سی ڈی اے ءِ ھوالہ کن انت۔ سروے آف پاکستان 1960 چہ سروے ءُُ میپنگ ءِ کارانی باروا سی ڈی اے ءَ را ہزمت ءَ پھجارگ انت۔ مفاہمت ءِ یادداشت ءِ نمایاں خصوصیت سی ڈی اے لینڈ ءِ دراھیں سروینگ ءُُ میپنگ ءِ کار ءَ ھوار انت بلے آہی ءَ را محدود مہ کتگ بلکہ سی ڈی اے لینڈ ءِ حدبندی / ڈیجیٹلائزیشن، اسلام آباد ءِ کیڈسٹرل میپنگ، گراؤنڈ پر سیکٹرز ءِ انٹرسیکٹنگ پوائنٹس (آئی پی) ءِ نشاندہی، ٹپوگرافک سروے کجام ءِ سیکٹر / اسکیم ءِ دیمروئی ءَ چہ پیسرءَ،نالہ کے ایل سیکشنز ءُُ کراس سیکشنز،شاھدگ،حد ءِ تعین،سی ڈی اے ذریعہ ھندی مردم ءَ را ایوارڈ دہگ ءِ ھاترا ایکوائرزڈ سیکٹر ءِ تہ بلٹ اپ ایریا ءِ ھساب کتاب،فراہمی،جوڈ جاڑی ءُُ سروے سامان ءِ بحالی ھوار انت۔ سیٹلائٹ امیجری یا LIDAR ڈیٹا اودا سی ڈی اے ءِ منصوبگانی ھاترا الم بیت کہ سروے آف پاکستان ءَ گوں شورءُُ صلاح ءِ پدا سی ڈی اے ءَ را پھجارگ بہ بیت۔اے ڈیجیٹل ڈیٹا WGS-84 ءُُ UTM پروجیکشن ءِ دروشم ءِ تہ سی ڈی اے ءَ را پھجارگ بہ بیت۔نوکتریں ٹیکنالوجی ءِ ہامل اے نقشہ چہ اودا اسلام آباد ءِ لینڈ مینجمنٹ ءَ رااپ گریڈ کنگ ءِ تہ کمک رسیت۔سی ڈی اے ءُُ سروے آف پاکستان ءِ میان ءَ بوتگیں اے سمجھوتہ ءَ چہ اسلام آباد ءِ تہ نوکیں سیکٹرز ءِ ھاترا ڈگار زورگ ءِ ابید بلٹ اپ پراپرٹی ءِ حقی ءِ تعین ءِ تہ ھم کمک رسیت۔اے سمجھوتہ ردا اسلام آباد ءِ دراھیں ڈگار ءِ ریکارڈ ءَ را ڈجیٹلائزڈ کنگ بیت ایشی ءِ پدا سی ڈی اے ءِ کرءَ اسلام آباد ءِ سرجمیں ریکارڈ محفوظ بہ بیت۔
