اسلام آباد۔ 11 جنوری (اے پی پی) مزن وزیر عمران خان ءَ گوشت کہ آہاں کوئٹہ ءِ ناشرکاری اُرش ءِ رپورٹ لوٹ کرتگ،اُرش ءِ تہ مسیت ءِ تہ نمازی ءَ را نشانگ کنگ بوتگ ات۔ھپتگ ءَ چاگردی ویب سائٹ ٹویٹر ءِ سرا وتی کلوھ ءِ تہ آہاں گوشت کہ صوبائی حکومت ءَ را پنت ءُُ شون دات کہ آں ناشرکاری اُرشے تہ ٹپیگانی ہمک ممکن طبی آسراتی ءَ را سدکی جوڈ کن انت۔مزن وزیر ءَ گوشت کہ اے اُرش ءِ تہ شہید بوتگیں ڈی ایس پی حاجی امین اللہ یک دلیریں ءُُ شریں افسرات۔
