اسلام آباد۔ 11 جنوری (اے پی پی) مزن وزیر عمران خان ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوانءَ گوشت کہ مزن وزیر عمران خان ریلوے ءِ دیمروئی ءُُ بحالی ءِ ھاترا جزم دار انت،یک سال ءِ گونڈ ءِ وھد ءِ تہ اضا خیل ڈرائی پورٹ ءِ سرجم بوھگ ریلوے وزیر ءُُ آئی ءِ ٹیمب ءِ کوشستانی پدرائی انت۔ھپتگ ءَ چاگردی ویب سائٹ ٹویٹر سرا آہاں گوشت کہ کراچی ءَ چہ پشاور ایم ایل ون منصوبگ،پانزدھ مال بردار ءُُ نوکیں مسافر ٹرینانی ھلگ نوکیں پاکستان ءِ تہ بدل بیوکیں ریلوے ءِ پدرائی انت۔ ریلوے ملک ءِ معیشت ءِ مھکمی ءِ تہ ھاسیں کرد ادا کنگ انت۔مزن وزیر ءِ وژن انت کہ راجانی دیمروئی ءُُ ملکی معیشت ءِ تہ ریل روڈ نیٹ ورک سرین ءِ ہڈ ءِ بستار ءَ ایر کنگ انت۔آہاں گوشت کہ اضا خیل نوشہرہ ریلوے ڈرائی پورٹ ءِ ہڈ بوھگ ءَ چہ بیئپاری کارءَ را پراھی رسیت ءُُ روزگارءِ نوکیں موہ ودی کنگ ءِ تہ ھاس پدر بہ بیت۔نوکتریں آسراتی ءَ گوں ہمگرنچ اے پورٹ نہ ایوکا مہلوک ءُُ بیئپاری ضلورت ءَ را پیلو کن ایت بلکہ مال برداری ءِ آرگ برگ ءِ تہ باز آسراتی ودی بنت۔

متعلقہ مضامینمصنف کی طرف سے مزید