تہران۔ 11 جنوری (اے پی پی)ایران ءِ فوج ءَ من اتگ کہ آہاں غیرارادی وڈ ءَ یوکرائن ءِ مسافر گراب ءَ نشانگ کتگ۔برطانوی رسانکدر ادارگ ءِ گوشگ ءِ ردا یک بیان ءِ تہ ایرانی فوج ءِ گوشگ ات کہ اے یک انسانی غلطی ات وھدیکہ ایران ءِ پاسداران آشوب ءِ نزیک ءَ فلائیٹ کتگ۔اے واکیہ ءِ تہ ھوار مردمانی ھساب کتاب کنگ بہ بیت۔ایران ءِ دری کارانی وزیر جواد ظریف ءِ چاگردی ویب سائٹ ٹویٹر ءِ سرا گوشت کہ اے یک اپسوز ناک ءِ روچ انت۔فوجانی تہی پٹ ءُُ پولی ءِ ردا امریکی جنگی جنون ءِ سبب ءَ اے بحران ءِ موہ سرا انسانی غلطی پیش اتکگ،مہ دراھیں ملکانی اثرمنداں گوں پہلی ءِ واھگداراوں ءُُ گوں آہانی دلپدردی کنگ اوں۔ایشی ءَ چہ پیسرءَ کینیڈا، امریکہ ءُُ برطانیہ ءَ دعوی کتگ ات کہ آہاں را لہتیں وسیلگ ءَ چہ حال سر بوتگ ات کہ اے گراب ایران ءِ زمین ءَ چہ گوات ءِ تہ مار کنوکیں میزائل ءِ نشانگ بوتگوھدیکہ کینیڈا ءِ وزیر اعظم جسٹن ٹروڈوءَ گوشت کہ اے رنگ ءَ ممکن نیست ات کہ اے کار غیر اردادی وڈ ءَ بوتگ۔پدر بہ بیت کہ یوکرین ءِ بین الاقوامی فضائی کمپنی ءِ پرواز پی ایس 752چارشمبے ءَ ایران ءِ بن شہر تہران ءَ چہ فلائیٹ ءِ لہتیں منٹ ءِ پدا گپتگ ات۔ات واکیہ ءِ تہ سوار مسافرانی ءُُ کارندہانی ھوار دراھیں 176مردم بیران بوتگ ات۔
