کرپشن ء ُ سفارشءِ ہلاس کنگ اولی دلگوشی اِنت
پشاور ۔ 10جنوری (اے پی پی ) مزن وزیر عمران خان ءَ گشتگ کہ ملک ءَ را راستیءَ یک پلاحی ریاستے جوڑ کنگءِ ھاترءَ درائیں رھبنداں انچو جوڑ کنگء َ اَنت کہ ایاں چہ لھس مھلو ک ءَ را پائدگ سربہ بیت، ریلوے ء ُ پی آئی اے ءَ را پرائیویٹ سیکٹر ءِ تہءَ وت واک جوڑ بوہوکیں یک ادارگے جوڑ کناں ، ایم ایل ون پاکستان ریلوے ءَ دیمروئیءِ آشوبے کیءت، کرپشنء ُ سفارش ءِ ہلاس کنگ مے اولی دلگوشی اِنت ۔ آ پشاور ءَ چہ اضاخیل ڈرائی پورٹ ءِ بُنگیجی مراگشءَ گوں تران کنگءَ بوتگ ۔ مزن وزیر عمران خان ءَ گشتگ کہ اضاخیل ڈرائی پورٹ ءِ سوبءَ اِدءَ بیپاری سُرء ُ ُپُر گیش بنت ء ُ ایشیءَ چہ ملازمت ءِ موہ ودی بنت کہ لھس مھلوک ءَ را پائدگ رسیت ۔ آئیءَ گشتگ کہ اضاخیل ڈرائی پورٹ منتقلی ءِ منصوبہ 2006ءَ چہ بندات بوتگ بلے شیخ رشید احمد ءَ یک سالے ءَ اے منصوبہ سرجم کتگء ُ پیش داشتگ کہ آ کار 13سالاں ہم نہ بوتگ ۔ مزن وزیر ءَ گشتگ کہ خیبر پختونخوا ءِ اُلس ءِ تہءَ زانتء ُ سرپدی اَتکگ کہ آ تنا پی ٹی آئیءَ را ووٹ دیءگء ُ سوبمند کنگءَ اَنت ۔ مزن وزیر عمران خان ءَ گشتگ کہ بدبھتی ءَ چہ 70سالاں ریلوے ءِ سرءَ ایچ زر حرچ کنگ نہ بوتگ، انگریز آنی زمانگءِ ٹریک ہم ہلاس بوتگ اَنت اگاں ایشیء ِ سرءَ دلگوشی کنگ بوتیں گڑا مرچی ریلوے سک باز شتگ اَت ۔
