کوءٹہ ۔ 10 جنوری (اے پی پی) وزیراعلیٰ بلوچستان نا کوارڈنیٹر میر عبدالرءوف رند سول سیکرٹریٹ کوءٹہ ٹی سیکرٹری سیل و سوات و دودوربیدہ ظفر علی بلیدی تون اوڑدہی کرے ۔ اوڑدہی ٹی بلوچستان اٹی سیل و سوات ءِ مون آ دننگ کن وزیراعلیٰ بلوچستان جام کمال خان نا پارت آ بروک آ تُو کراچی ٹی اسہ سیمینار اس اڈتننگ نا فیصلہ و اونا بست و بند آتیا سرجم گپ و تران مس، داوخت آ وزیراعلیٰ بلوچستان نا کوارڈنیٹر میر عبدالرءوف رند پارے کہ بلوچستان عوامی پارٹی نا سرکڑدہ سیل و سوات ءِ مون آ دننگ کن سیمینار نا اڈتننگ آ محکمہ سیل و سوات و دودوربیدہ تون پبی کمک کیک، تانکہ بلوچستان اٹی امن نا بحالی آن پد درملکی وملکی سیل و سواتی تے بلوچستان نا سیل و سواتی ہند آتا کنڈآ چکنگک صوبہ ٹی سیل و سوات نا مون آ دننگ نا بابت اڈ ہلوک آ سیمینار اٹی چندی تپہ فکر انا خلقت و اسٹیک ہولڈر آتے سلہ خلنگک تانکہ بلوچستان اٹی سیل و سوات نا بابت زرکار و ایلو تپہ غاتا خلقت ءِ اسہ پلیٹ فارم اسے آ جمع کننگ مرے، اوکان پد سیکرٹری سیل و سوات ظفر علی بلیدی میر عبدالرءوف رند ءِ سوینیئر اس پیش کرے ۔
