اسلام آباد ۔ 10 جنوری (اے پی پی) سپریم کورٹ طیبہ بیداد کیس اٹی دوبہ دار آتا اپیل آتیا فیصلہ ءِ بنفسا مسکوہی ایڈیشنل سیشن جج راجہ خرم و اونا اُرائی ماہین ظفر نا سزا تیٹی ودکی نا فیصلہ ءِ کالعدم گوندانے ۔ عدالت راجہ خرم و ماہین ظفر ءِ ٹرائل کورٹ نا تروک اسہ اسہ سال انا سزاتے بحال تخنگ نا پرمان کرینے ۔ اسلام آباد ہائی کورٹ نا ڈویژنل بنچ دوبہ دار آتا سزاءِ اسٹ آن ودفسا مسہ سال کریسس ۔ عدالت سزاتیٹی پین ودکی نا حکومتی اپیل آ دوبہ دار آتے نوٹس جاری کرینے ۔ سپریم کورٹ نوٹس آرٹیکل 187 نا خصوصی اختیار ءِ کاریم اٹ اتسا جاری کرینے ۔ عدالت پرمان کرے کہ دوبہ دار آتا سیکشن 328 اے انا رداٹ سزا نا برخلاف اپیل آک زیرالتواءُ، اڈیالہ جیل انتظامیہ دوبہ دار آتے عدالتی نوٹس آن معلومدار کے، رجسٹرار آفس دوبہ دار آتے نوٹس ملنگ تون اپیل سماعت کن مقرر کے، مئی 2019ء ٹی ڈک کروک فیصلہ ءِ جسٹس اعجاز الاحسن خوانسا بنفے ۔
