اسلام آباد ۔ 10 جنوری (اے پی پی) بنجائی وزیر پارلیمانی امور سینیٹر اعظم سواتی ایوان بالاءِ پارینے کہ نیب و ایف آئی اے و ایلو ادارہ غاتا سفارش نا بنا آ قومی شناختی کارڈ نا بندش عمل اٹ اتنگک ۔ جمعہ نادے آ ایوان بالا نا دیوان اٹی وقفہ سوج آتے ٹی سینیٹر عثمان کاکڑ نا سوج انا ورندی ٹی بنجائی وزیر پارلیمانی امور پارے کہ قومی شناختی کارڈ انا بندش عمل اٹ اتنگ نا گڑاس سوب ءُ ہرافتے ٹی اگہ کس اسے تون اوغان مہاجر کارڈ مرے، اونا برخلاف مجاز پک کروک آ ادارہ نا رپورٹ مرے یا اونا برخلاف سرکاری ادارہ امیگریشن و پاسپورٹ، نیب ، ایف آئی اے، پیشن نا ملک کمیشن یا عدالت نا رپورٹ مرے ۔
