ملک انا کودک چناتا رکھ پارلیمان و حکومت نا اولی زمواری مرے، اومیت ءِ سینیٹ ہم زینب الرٹ بل ءِ زوت منظور کیک، اسد عمر نا ٹویٹ

اسلام آباد ۔ 10 جنوری (اے پی پی) بنجائی وزیر ڈٹ بندی، شونداری ، اصلاحات و خصوصی گام گیج اسد عمر پارینے کہ ملک انا کودک چناتا رکھ و پارلیمان و حکومت نا اولی زمواری بایدے مرے ، اومیت ءِ سینیٹ ہم زینب الرٹ بل ءِ زوت منظور کیک ۔ جمعہ نادے آ تینا ٹویٹ اٹی اوپارے کہ زینب الرٹ بل ءِ پارلیمانی امنائی وڑاٹ منظور کرینے، زینب الرٹ بل ءِ ای تدوک آ اسمبلی ٹی پیش کریسٹ ولے او اسمبلی نا مد اٹی پاس مننگ کتو، اینو پارلیمان امنائی وڑاٹ منظور کرے ۔ اوپارے کہ اومیت ءِ سینیٹ ہم دا کانود ءِ زوت منظور کیک ۔ دا ملک انا کودک چناتا رکھ پارلیمان و حکومت نا اولی زمواری بایدے مرے ۔