اسلام آباد ۔ 10 جنوری (اے پی پی) وزیراعظم عمران خان اینو نوشہرہ ٹی اضاخیل ڈرائی پورٹ نا بناءِ کیک ۔ وزیراعظم میڈیا آفس آن جاری بیان نا رداٹ پاکستان ریلویز نا کمک اٹ گڑا و مال انا ملک انا طول و عرض اٹی نقل و حمل کن دا ڈٹ ءِ پاکستان ریلویز اسہ سال اٹی 507 ملین روپئی نا خڑچ آن ایسر اسکان سرکرے ۔ اضاخیل ڈرائی پورٹ 28 ایکڑ آ تالان ءِ ہراٹی مال برداری نا نقل وحمل یعنی لوڈنگ و ان لوڈنگ نا پوسکن آ آسراتیک دوئی ءُ ۔ دا ڈرائی پورٹ نوشہرہ شار آن 8 کلومیٹر نا مری آ مین جی ٹی روڈ آ واقع ءِ و دادے رنگ روڈ پشاور تون براستہ سڑک رسینگ ہم دوئی مریک ۔ حکومت پاکستان نا لاجسٹکس ءِ مون آ دننگ نا پالیسی نا رداٹ اضاخیل ڈرائی پورٹ الس و پوریاگر آتا گرج آتے پورو کرسا قومی زرگزران اٹی ہم تینا کڑد ءِ ادا کیک ۔ اضاخیل ڈرائی پورٹ نا کمک اٹ کراچی بندرگاہ آن فریٹ نا ملک اٹی نقل و حمل و ولدا دا گڑاتا اوغانستان ءِ براستہ سڑک گدریفنگ مریک ۔ اضاخیل ڈرائی پورٹ و سی پیک انا رداٹ پشاور آن کراچی اسکان 1872کلومیٹر مرغن ریل ٹریک انا جوڑ کننگ آن پاکستان ریلویز مال برداری نا رداٹ مارکیٹ نا 20 درسد شیئر دوئی کننگ نا قابل مریک ۔ داڑان پاکستان ریلوے بروک آ پنچ شش سال اٹی تینا سالانہ نسخان نا مون ءِ توننگ اٹ سرسہب مریک ۔
