اسلام آباد ۔ 09 جنوری (اے پی پی) ڈپٹی اسپیکر قومی اسمبلی قاسم خان سوری آٹوا ٹی کینیڈا نا پارلیمنٹ اٹی اڈ ہلوک آ دولت مشترکہ ملک آتا پارلیمنٹس نا اسپیکرز و پریزائیڈنگ آفیسر آتا کانفرنس اٹی بشخ ہلک ۔ داڑے کینیڈا نا پارلیمنٹ اٹی اڈ ہلوک کانفرنس آن تران کرسا ڈپٹی اسپیکر پارلیمانی جمہوریت نا چندی دروشم آتے ٹی علم و تفہیم ءِ مون آ دننگ و پارلیمانی ادارہ غاتا شونداری آ زور شاغا ۔ قومی اسمبلی سیکرٹریٹ نا رداٹ کانفرنس نا مسخت دولت مشترکہ نا باسک آتا پارلیمنٹس نا اسپیکرز و پریزائیڈنگ آفیسر آتا کنڈآن بے کنڈ ہلنگ و انصاف پسندی ءِ برجاتخنگ، مون آ دننگ و اوفتا است بڈی ءِ کننگ ناءِ ۔ کانفرنس دولت مشترکہ نا آجو وتواجہ ریاست آتا قومی پارلیمنٹس آتا اسپیکر و پریزائیڈنگ آفیسرآتے یکجا کیک ۔ دانا ٹہیفنگ 1969ء ٹی کینیڈا ٹی ہاءوس آف کامنز نا ہمووخت انا اسپیکر نا گام اٹی کننگاسس ۔ ڈپٹی اسپیکر قومی اسمبلی قاسم خان سوری ایلو ملک آتا نمائندہ غاتون ہم اوڑدہی کرے و پارلیمانی ڈل آتا ہن و بر نا اہمیت آ گپ و تران کرے ۔
