اسلام آباد ۔ 09 جنوری (اے پی پی) بنجائی وزیر توانائی عمر ایوب خان پارینے کہ ٹیوب ویل آتے بجلی نا کنکشن نا نیپرا نا کنڈآن درستی راستی کرفوک ٹیرف اے تھری آ مارچ یا اپریل اٹی نظرثانی کننگک ۔ پنچ شنبے نادے آ قومی اسمبلی ٹی علی نواز اعوان نا اسلام آباد نا علاقائی دنگ اٹی اجتماعی بہم رسانی نا اسکیم تا ٹیوب ویل آتا بجلی نا کنکشن ڈی ون ٹیرف اے تھری ٹیرف کون آ زیات شرح غا تننگ نا بابت چکاری نوٹس نا ورندی ءِ ترسا وزیر توانائی عمر ایوب خان پارے کہ دا راست ءُ ہیت اسے کہ اے تھری ٹیرف نیپرا درستی راستی کرفیسس ۔ نن نیپرا تون ہیت کرینن ۔ داڑا اپریل ، مارچ اسکان نظرثانی کننگک ۔ چکاری نوٹس آ علی نواز اعوان ، راجہ خرم شہزاد نواز نا سوج آتا ورندی ٹی وزیر توانائی عمر ایوب خان پارے کہ اسلام آباد نا نواحی دنگ اٹ دا بابت ٹیرف آ نظرثانی کننگ انگ ءِ ہراڑان صارف آتا ویل ایسر مریک ۔ اسہ پین سوج اسے نا ورندی ٹی وزیر توانائی پارے کہ ٹیوب ویل آتا بندش نا بابت آئی سی ٹی تون تولسا معاملہ نا جاچ ءِ ہلنگ مریک ۔
