اسلام آباد ۔ 09 جنوری (اے پی پی) پارلیمانی سیکرٹری وزارت جان جوڑی ڈاکٹر نوشین حامد پارینے کہ 68 لکھ نیزگار خاہوت آتے انصاف جان جوڑی کارڈ انا کمک اٹ مفت درمان نا آسراتی فراوان کننگ انگ ءِ ۔ پنچ شنبے نادے آ تینا اسہ ٹویٹ اسے ٹی او پارے کہ انصاف جان جوڑی کارڈ مچ آ ملک انا 84ضلع غاتے ٹی جاری کننگانے ۔ داکارڈ انا رداٹ اسہ اُراس 7 لکھ 20 ہزار روپئی اسکان سرکاری و پرائیویٹ ہسپتال آتے ٹی درمان نا آسراتی تیان فائدہ ہرفنگ کیک ۔ اوپارے کہ ہر بندغ نا یونیورسل ہیلتھ کوریج اسکان رسینگ ءِ پک کننگک ۔
