اسلام آباد ۔ 09 جنوری (اے پی پی) پاکستان ایئر لائن (پی آئی اے) نا چیف ایگزیکٹو آفیسر ایئر مارشل (ر) ارشد محمود سندھ ہائی کورٹ انا فیصلہ نا برخلاف سپریم کورٹ اتون رجوع کرینے ۔ سندھ ہائی کورٹ نا کنڈآن کاریم آن توننگ نا عبوری پرمان نا برخلاف اپیل دائر کننگانے ۔ دائر اپیل اٹی بنجا، کابینہ ڈویژن و وزارت سول ایوی ایشن ءِ فریق کننگانے ۔ دائر درخواست اٹی موقف اختیار کننگاکہ کابینہ ڈویژن اکتوبر 2018 ء ٹی پی آئی اے ٹی عبوری تقرری کرے، اودے قومی ایئر لائن نا بحالی و نسخان ءِ چٹفنگ کن اتنگا ، سندھ ہائی کورٹ نا کاریم آن توننگ نا پرمان کانودی جواز آن بیدس ئس، سندھ ہائی کورٹ حکم امتناع ترسا درخواست تروک آءِ حتمی ریلیف تس، کاریم آن توننگ آن پی آئی اے نا بانداک آک ژند مسنو، سندھ ہائی کورٹ نا 23دسمبر نا پرمان نامہ آئین نا برخلاف ءِ، سندھ ہائی کورٹ نا کاریم آن توننگ نا عبوری پرمان نامہ ءِ کالعدم گوندنگے ۔ دائر درخواست اٹی خواست کننگانے کہ عدالت عظمیٰ آن حتمی فیصلہ بننگ اسکان سندھ ہائی کورٹ ءِ کارروائی آن توننگے ۔
