اسلام آباد ۔ 09 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان نا وزیر خارجہ شاہ محمود قریشی ءِ ایران، سعودی عرب و امریکہ نا دورہ ءِ کننگ و تعلقدار وزیر خارجہ غاتون اوڑدہی نا پارت ڈیہہ ٹی امن و بے چیٹی تا چٹفنگ کن ننا متحرک سفارتکاری و اقوام عالم اٹ زموار جمہوری ریاست اس مننگ نا شاہدی ءِ ۔ پنچ شنبے نادے آ تینا ٹویٹ اٹی ڈاکٹر فردوس عاشق اعوان پارے کہ پاکستان ڈیہہ ٹی امن و سوگوی نا داعی ءِ ۔ وزیراعظم پیدوار کرینے کہ پاکستان پوسکن ءُ جنگ اسے نا بشخ مفک انتئے کہ جنگ ڈیہہ و دنیا نا فائدہ ٹی اف ۔ دے ٹکی نیامی ٹی امن آن ڈیہہ و دنیا ٹی امن و سوگوی نا کسر آوار مریک ۔ پاکستان اسلامی دنیا و جہانی امن نا فائدہ غاتے ٹی تینا مثبت کڑد ءِ ادا کرسا کیک ۔
