پاکستان ایمنی ءِ واستہ کرد پیلو کنگ ءَ تیار انت، دو وارگ کجام ھم جنگ ءِ بھر جوڑ نہ بیت، وزیر ء، درئی کار آنی وزیر ءَ را ایران، سعودی عرب ءُُ امریکہ ءِ درئی کارآنی وزیر ءَ گوں گند ءُُ نند، آرمی چیف جنرل قمر جاوید باجوہ ءِ سیادی داروکیں اُردی کارندہ آں گوں گند ءُُ نند ءِ پنت ءُُ شون کتگ، مزن وزیر عمران خان ءِ پنت ءُُ شونی ٹویٹ

اسلام آباد۔ 8 جنوری (اے پی پی) مزن وزیر عمران خان ءَ گوشت کہ پاکستان ایمنی ءِ واستہ وتی کرد ءَ پیلو کنگ ءَ تیار انت بلے دووارگ کجام ھم جنگ ءِ بھر جوڑ نہ بیت، وزیر ءِ درئی کار شاہ محمود قریشی ءَ را ایران، سعودی عرب ءُُ امریکہ ءِ درئی کارانی وزیر آں گوں گند ءُُ نند وھدیکہ آرمی چیف جنرل قمر جاوید باجوہ ءَ را سیادی داروکیں اُردی کارندہ آنی گوما رابطہ کنگ ءِ پنت ءُُ شون داتگ۔ آئی ءَ اے ھیالانی درشانی چار شمبے ءِ روچ ءَ چاگردی تنج (ٹویٹر) ءِ سر ءَ وتی یک بیانے ءِ تہ ءَ گوشگ بوت۔ مزن وزیر ءَ گوشت کہ وزیر ءِ درئی کار شاہ محمود قریشی ءَ ایران، سعودی عرب ءُُ امریکہ ءِ تر ءُُ تاب ءَ کنگ ءِ وزیر ءِ درئی کار ءَ را پنت ءُُ شون کت۔ مزن وزیر ءَ گوشت کہ آرمی چیف جنرل قمر جاوید باجوہ ءَ را ھم سیادی داروکیں کارندہ آنی گوما رابطہ ءَ را مھکم کنگ ءِ پنت ءُُ شون کتگ پدا ھم یک تلپچیں کلوہ ءِ آواں تاں سر بہ بیت۔ آئی ءَ گوشت کہ پاکستان ایمنی ءِ واستہ وتی کرد ءَ پیلو کنگ ءَ تیار انت بلے نوں دووارگ دگہ کجام ھم جنگ ءِ بھر جوڑ نہ بیت۔