اسلام آباد۔ 8 جنوری (اے پی پی) وزیراعظم عمران خان یوٹیلٹی سٹورز آئی وسیلگ ءَ ھاسیں ریلیف پیکج آنی بنگیج ءِ موہ ءَ مرچی چار شمبے ءَ اسلام آباد ءَ یک یوٹیلٹی سٹور ءِ تر ءُُ تاب ءَ کنت۔ چیئرمین ءُُ منیجنگ ڈائریکٹر یوٹیلٹی سٹورز کارپوریشن مزن وزیر ءَ را اے موہ ءَ ریلیف پیکیج، المیگیں سامان آناں امبار آنی تہ ءَ چیر دیگ، ءُُ سرجمیں ملک ءَ یوٹیلٹی اسٹور آنی تہ ءَ سامان آنی استی ءَ ابید حکومت ءِ نیمگ ءَ چہ سبسڈی ءِ پجاری ءَ را دل یکیمی جوڑ کنگ ءِ واستہ ٹیکنالوجی ءِ کارمردی ءَ ھوالگ ءَ برینفگ ھم دیگ بیت۔ چار شمبے ءَ مزن وزیر میڈیا کارگس ءِ نیمگ ءَ جاڑی بوتگیں جار ءِ رد ءَ الس ءُُ ھاسیں رنگ ءَ چاگرد ءِ کم کٹ کنوکیں تبک ءِ مردم آناں ریلیف ءِ پجاری ءِ واستہ مزن وزیر عمران خان ءَ انوں زوتاں یوٹیلٹی اسٹور کارپوریشن ءَ چہ سامان آنی سستائی ءِ پجاری ءِ واستہ 7 ارب کلدار ءِ ریلیف پیکیج ءِ جار جتگ ات، ایشی ءِ مول ءُُ مراد آرت، ڈال، روگن، دان ءُُ ایندگر چیز آنی آنی نیاد کم کنگ ءَ را دل یکیمی جوڑ کنگ انت۔ یوٹیلٹی اسٹور ءِ توامیں بنیاتی چیز مارکیٹ ءِ رد ءَ سستا تر بھا بوھگ ءَ انت۔
