ننکانہ صاحب ءُُ پشاور ءَ استیں واکیہ ءِ ھوالگ ءَ بھارتی رپورٹ آناں رد نامینت
اسلام آباد۔ 8 جنوری (اے پی پی) امریکہ ءَ پاکستان ءِ سفیر اسد مجید خان ءَ ننکانہ صاحب ءُُ پشاور ءَ استیں واکیہ آنی ھوالگ ءَ بھارتی رپورٹ آناں رد نامینت ءُُ گوشت کہ پاکستان سکھ نیک راھ ءِ گوں توامیں نیک راھ آنی شرپ مندیں جاھ ءُُ ھند آنی سک باز شرپ ءُُ ازت ءَ دار ایت۔ اے گپ آئی ءَ سکھ برادری ءِ نماھندگ آنی ڈل ءَ گوں گپ ءُُ تران کنان ءَ گوشت۔ اے تران گوستگیں روچ ءَ گند ءُُ نند ءِ ساھت ءَ بوت انت۔ سفارتخانہ آنی نیمگ ءَ جاڑی بوتگیں بیان ءِ رد ءَ پاکستانی سفیر اسد مجید ءَ ڈل ءَ را پاکستان ءِ نیک راھ آنی آزاتی، وت مہ وتی یکوئی ءُُ سیل ءُُ سواد ءِ پڑ ءَ را دیمروئی ءِ ھوالگ ءَ پاکستان ءِ مُدامیگیں کوشست آنی بابت ءَ بریف کت۔ آئی ءَ گوشت کہ گوستگیں سال ءَ نومبر ءِ ماھ ءَ کرتار پور راہداری ءِ پچ کنگ پڑ ءَ ایمنی ءِ واستہ مزن وزیر ءِ وژن ءِ آدینک انت۔ آواں گودوارہ ننکانہ صاحب ءَ کجام ھم اُرش یا بے شرپی کنگ ءِ الزم آناں رد کت۔ آئی ءَ گوشت کہ پاکستان ءِ کانود توامیں شہری مردم آناں ھم کچیں ھک آں دنت۔
