اسلام آباد۔ 08 جنوری (اے پی پی) وزیراعظم نا خصوصی کمکار سمندر پار پاکستانیز ذوالفقار بخاری سعودی عرب نا شار تبوک اٹی اختہ 80 پاکستانی تا خبر آ نوٹس ہلسا ریاض اٹی رہینگوک آ ویلفیئر اتاشی شکورشیخ ءِ دمدستی وڑاٹ زہمی تا کنڈا ہِننگ نا پارت کرینے۔ وزارت سمندر پار پاکستانیز نا ترجمان نا کنڈآن جاری کروک بیان نا رداٹ خصوصی کمکار زلفی بخاری پارے کہ تبوک اٹی اختہ پاکستانی تا ہروڑ کمک ءِ کننگک، کیہی پاکستانی مزور آتا باندات آ پورو وڑاٹ آگاہ و اوفتے ریلیف تننگ کن کاریم کننگ اٹی اُٹ۔ زلفی بخاری پارے کہ کنا وزارت کمپنی تا نمائندہ غاتون ہلہلہ ئی بنداو تیا اسہ دیوان اس بٹنگانے و داہیت ءِ پک کننگک کہ داٹی خور و راشن ننا خلقت اسکان سرمرسا کے۔
