بینظیر انکم سپورٹ پروگرام آن مالی امداد دوئی کروک آتے ٹی گریڈ 21 نا آفیسر آتون اوار 2ہزار 543گزیٹڈ آفیسر یا اوفتا زائیفہ غاک ہم اوار ئسر، بنجائی وعزیر سائنس اینڈ ٹیکنالوجی چوہدری فواد حسین اسلام آباد۔ 08 جنوری (اے پی پی) بینظیر انکم سپورٹ پروگرام آن مالی امداد دوئی کروک آتے ٹی گریڈ 21 نا آفیسر آتون اوار 2ہزار 543گزیٹڈ آفیسر یا اوفتا زائیفہ غاک ہم اوار ئسر ہرافتے حقدار آتا مالی امداد نا دا پروگرام نا لڑتیان کشنگانے۔ چارشنبے نادے آ بنجائی وزیر سائنس اینڈ ٹیکنالوجی چوہدری فواد حسین تینا ٹویٹ اٹی بے نظیر انکم سپورٹ پروگرام آن راج انا نیزگار تپہ و حقدار آتے فائدہ تننگ نا جاگہ غا مستین اٹی کروک آ دا لٹ وپل آ است ہسونی نا درشانی ءِ کرے۔ بنجائی وزیر نا کنڈآن ٹویٹر آ شیئر کروک آ معلومداری تا رداٹ مستین اٹی بینظیر انکم سپورٹ پروگرام آن فائدہ ہرفوک آتے ٹی بنجائی حکومت نا گریڈ 17 نا 48، گریڈ 18 نا 10، گریڈ 19 نا اسہ و گریڈ 20 انا 2آفیسر یا اوفتا زائیفہ غاک اوار ئسر وخت اس کہ گریڈ 21 نا آفیسر یا اوفتا اُرائیک ہم وہوک آ دیر اٹ دوتے سلار۔ بلوچستان و سندھ آن بھلو کچ اسے ٹی بڑزکو سرکاری آفیسر یا اوفتا زائیفہ غاک حقدار بندغ و غریب آتے کن بناکروک آ دا پروگرام نا سیبو ٹی ہراوڑنا لٹ وپل کریر اوفتا کساس ءِ داڑان خلنگ مریک کہ بلوچستان حکومت نا گریڈ 17 نا 523و سندھ حکومت نا 449 آفیسر یا اوفتا زائیفہ غاک ہم دا پروگرام آن فائدہ ہرفیر۔ بلوچستان نا گریڈ 18 نا 90، گریڈ 19 نا 99، گریڈ 20 انا 27 و گریڈ 21 انا 2 آفیسر یا اوفتا زائیفہ غاک ہم غریب آتا فنڈ آتیان مزہ کرسا کریر وخت اس کہ سندھ انا آفیسر آک ہم پدی سلیتوس۔ گریڈ 17 نا 449، گریڈ 18 نا 342، گریڈ 19 نا 302و گریڈ 20 انا 29 آفیسر یا اوفتا زائیفہ غاک ہم لٹ وپل کروک آتے ٹی اوار ءُ۔ پنجاب اٹی دُن تو گریڈ 20 و 21 نا ہچ ءُ آفیسر اس بی آئی ایس پی آن فائدہ ہرفوک آتے ٹی اوار اف ولے گریڈ 19 نا 4، گریڈ 18 نا 45 و گریڈ 17 نا 88 آفیسر یا اوفتا زائیفہ غاک ہم بی آئی ایس پی نا رداٹ حقدار آتے تروک آ پیسہ غاتے دوئی کریر۔ آزاد کشمیر و گلگت بلتستان اٹی گریڈ 17 نا 17 و 27وخت اس کہ گریڈ 18 نا 3 و 19 و گریڈ 19 نا 2، 2 آفیسر یا اوفتا زائیفہ غاک دا پیسہ غاتے دوئی کریر وخت اس کہ گلگت بلتستان نا گریڈ 20 نا اسہ آفیسر اس ہم پدی سلتو۔ حد دادے کہ بی آئی ایس پی ٹی تعینات گریڈ 17 نا 6 آفیسر یا اوفتا زائیفہ غاک وخت اس کہ پاکستان ریلوے نا گریڈ 18 نا اسہ آفیسر یا اونا اُرائی ہم بی آئی ایس پی نارداٹ امدادی زر ہلکر۔ بنجائی وزیر چوہدری فواد حسین تینا ٹویٹ اٹی نوشتہ کرینے کہ ”شرم گڑاس مریک، حیاء گڑاس مریک۔ نیزگار خلقت نا حق آ دا بے حیائی اٹ ڈاکہ خلوک آتے انت پاننگے؟“ داکان بیدس واپار نا پارلیمانی سیکرٹری شاندانہ گلزار خان ہم دا حالیت آتیا است ہسونی نا درشانی ءِ کرسا پارے کہ نیزگار و حقدار آتا دا پروگرام آن سرکاری آفیسر آتا فائدہ ہرفنگ شرمناک ءِ۔ پارلیمانی سیکرٹری قومی جان جوڑی ڈاکٹر نوشین حامد ہم پارے کہ خلقت نیزگار مرسا نیزگار آتا حق آ ڈاکہ خلسا کریر۔

اسلام آباد۔ 08 جنوری (اے پی پی) بینظیر انکم سپورٹ پروگرام آن مالی امداد دوئی کروک آتے ٹی گریڈ 21 نا آفیسر آتون اوار 2ہزار 543گزیٹڈ آفیسر یا اوفتا زائیفہ غاک ہم اوار ئسر ہرافتے حقدار آتا مالی امداد نا دا پروگرام نا لڑتیان کشنگانے۔ چارشنبے نادے آ بنجائی وزیر سائنس اینڈ ٹیکنالوجی چوہدری فواد حسین تینا ٹویٹ اٹی بے نظیر انکم سپورٹ پروگرام آن راج انا نیزگار تپہ و حقدار آتے فائدہ تننگ نا جاگہ غا مستین اٹی کروک آ دا لٹ وپل آ است ہسونی نا درشانی ءِ کرے۔ بنجائی وزیر نا کنڈآن ٹویٹر آ شیئر کروک آ معلومداری تا رداٹ مستین اٹی بینظیر انکم سپورٹ پروگرام آن فائدہ ہرفوک آتے ٹی بنجائی حکومت نا گریڈ 17 نا 48، گریڈ 18 نا 10، گریڈ 19 نا اسہ و گریڈ 20 انا 2آفیسر یا اوفتا زائیفہ غاک اوار ئسر وخت اس کہ گریڈ 21 نا آفیسر یا اوفتا اُرائیک ہم وہوک آ دیر اٹ دوتے سلار۔ بلوچستان و سندھ آن بھلو کچ اسے ٹی بڑزکو سرکاری آفیسر یا اوفتا زائیفہ غاک حقدار بندغ و غریب آتے کن بناکروک آ دا پروگرام نا سیبو ٹی ہراوڑنا لٹ وپل کریر اوفتا کساس ءِ داڑان خلنگ مریک کہ بلوچستان حکومت نا گریڈ 17 نا 523و سندھ حکومت نا 449 آفیسر یا اوفتا زائیفہ غاک ہم دا پروگرام آن فائدہ ہرفیر۔ بلوچستان نا گریڈ 18 نا 90، گریڈ 19 نا 99، گریڈ 20 انا 27 و گریڈ 21 انا 2 آفیسر یا اوفتا زائیفہ غاک ہم غریب آتا فنڈ آتیان مزہ کرسا کریر وخت اس کہ سندھ انا آفیسر آک ہم پدی سلیتوس۔ گریڈ 17 نا 449، گریڈ 18 نا 342، گریڈ 19 نا 302و گریڈ 20 انا 29 آفیسر یا اوفتا زائیفہ غاک ہم لٹ وپل کروک آتے ٹی اوار ءُ۔ پنجاب اٹی دُن تو گریڈ 20 و 21 نا ہچ ءُ آفیسر اس بی آئی ایس پی آن فائدہ ہرفوک آتے ٹی اوار اف ولے گریڈ 19 نا 4، گریڈ 18 نا 45 و گریڈ 17 نا 88 آفیسر یا اوفتا زائیفہ غاک ہم بی آئی ایس پی نا رداٹ حقدار آتے تروک آ پیسہ غاتے دوئی کریر۔ آزاد کشمیر و گلگت بلتستان اٹی گریڈ 17 نا 17 و 27وخت اس کہ گریڈ 18 نا 3 و 19 و گریڈ 19 نا 2، 2 آفیسر یا اوفتا زائیفہ غاک دا پیسہ غاتے دوئی کریر وخت اس کہ گلگت بلتستان نا گریڈ 20 نا اسہ آفیسر اس ہم پدی سلتو۔ حد دادے کہ بی آئی ایس پی ٹی تعینات گریڈ 17 نا 6 آفیسر یا اوفتا زائیفہ غاک وخت اس کہ پاکستان ریلوے نا گریڈ 18 نا اسہ آفیسر یا اونا اُرائی ہم بی آئی ایس پی نارداٹ امدادی زر ہلکر۔ بنجائی وزیر چوہدری فواد حسین تینا ٹویٹ اٹی نوشتہ کرینے کہ ”شرم گڑاس مریک، حیاء گڑاس مریک۔ نیزگار خلقت نا حق آ دا بے حیائی اٹ ڈاکہ خلوک آتے انت پاننگے؟“ داکان بیدس واپار نا پارلیمانی سیکرٹری شاندانہ گلزار خان ہم دا حالیت آتیا است ہسونی نا درشانی ءِ کرسا پارے کہ نیزگار و حقدار آتا دا پروگرام آن سرکاری آفیسر آتا فائدہ ہرفنگ شرمناک ءِ۔ پارلیمانی سیکرٹری قومی جان جوڑی ڈاکٹر نوشین حامد ہم پارے کہ خلقت نیزگار مرسا نیزگار آتا حق آ ڈاکہ خلسا کریر۔