اسلام آباد۔ 08 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ آرمی ایکٹ آ ملک انا غٹ سیاسی واکدار آتا سیوت و مثبت کڑد بڑزکو پارلیمانی جمہوری روایت آتا شاہدی ءِ، سیاسی ہم گرنچی و قومی یکجہتی نا شاندار درشانی پاکستان دشمن واکدار آتے کن پیدوار ءُ کلہو اسے کہ پاکستانی قوم اہم باندات و قومی فائدہ غاتا رکھ اکن یکجاءُ۔ چارشنبے نادے آ ڈاکٹر فردوس عاشق اعوان تینا ٹویٹ اٹی پارے کہ ڈیہہ نا حالیت و پاکستان نا فائدہ ٹی ننے ہم گرنچی و یکجہتی نا چاگڑد ءِ پین مون آ دروئی ءِ، اومیت ءِ دا مفاہمت نا چاگڑد نا جھلک سینیٹ اٹی ہم نظر بریک۔
