اسلام آباد۔ 7 جنوری (اے پی پی) صدر مملکت ڈاکٹر عارف علوی ءَ ملک ءِ تہ انشورنس انڈسٹری ءِ پراھی ءِ ھاترا شریں مارکیٹنگ ءِ ضلورت ءِ سرا زور مان کنان ءَ گوشت کہ مہلوک ءِ اعتماد ءِ ھاترا انشورنس ءِ شرط آنی باروا پیشگی پدرائی ءِ ھوار سرجمیں سرپدی ءِ ھاترا گامگیج ھم زورگ بہ بنت، مہ ناشرکاری وڈیں جیڈھانی سرا گرودار آرتگ،نوں راجی جوڈ جاڑی ءِ کار ء َ چہ گوزگ انت۔ دراھ ھواری ءَ کار ءَ کنیں تو یک شریں ءُُ وش صورت ءِ پاکستان دیمروئی کن ایت۔اے ھیالانی درشان آہاں سئے شمبے ءَ انشورنس انڈسٹری ءِ اقتصادی نمو ءُُ محتسب ءِ کرد ءِ موضوع ءِ سرا سیمینار ءَ گوں ھاسیں مہمان ءِ بستار ءَ تران کنان ءَ گوشتگ ات۔ سیمینار ءِ برجم داری ایکسپریس میڈیا گروپ ءُُ جوبلی لائف انشورنس کمپنی لمیٹڈ ءِ کمکی ءَ گوں کنگ بوتگا ات۔ صدر مملکت ءَ انشورنس ءِ ھوالہ چہ وتی تجربگاں چہ سرپد کنان ءَ جانی ءُُ مالی تاوان ءِ ھطرہ ءَ چہ رکھگ ءِ ھاترا انشورنس پالیسی ءِ وتی ارزشت انت بلے اے ھوالہ چہ جیڈھ ھم دیما انت۔آہاں گوشت کہ لس مردم انشورنس ءِ سرا اے وڈ ءَ اعتبار ءَ مہ کنگ انت ہما رنگ ءَ کہ کنگ بہ بیت، ایشی ءِ سبب ءِ باروا سرپدی نہ بوھگ ءُُ انشورنس ءِ سسٹم ءِ تہ اڑاند ھوار انت۔ صدر مملکتءَ گوشت کہ پاکستان ءِ تہ مردماں وتی چیزءُُ پورھیاگراں را وتی فصل آنی انشورنس ءِ ضلورت انت،اے یک مزنیں مارکیٹ انت بلے ایشی ءَ را سرجمیں وڈ ءَ کارمرز مہ کنگ بوتگ، مردم وتی جان ءُ مال ءِ رکھگ لوٹگ انت۔اے مکسد ءِ ھاترا انشورنس باز سود مند پدر بہ بیت، انشورنس انڈسٹری ءَ را اے ھوالہ چہ شریں مارکیٹنگ ءِ ضلورت انت۔صدر مملکت ءَ گوشت کہ حکومت ہیلتھ کارڈز ءِ وسیلگ ءَ ملک ءِ گریب ءُُ حقداریں مردمانی جان سلامتی ءِ انشورنس پھجاراتگ، ایشی ءِ ھاترا حکومت ءِ ھوار جندی تک ءِ شراکت داری ءِ ادارگ ھم ارزشت دار انت۔آہاں گوشت کہ کرپشن ءِ امکان ساڑی بوھگ انت، ہیلتھ انشورنس ءِ عمل ءِ تہ کرپشن ءِ گرودار ءِ ھاترا احتیاط کنگی انت۔ صدر مملکت ءَ گوشت کہ محتسب ءِ ادارگ جیڈھانی ترندیں گیشینگ ءِ ھاترا ایکٹو کرد ادا کنگ انت۔آہاں انشورنس انڈسٹریءِ سرا زور مان کتگ کہ آں مردمانی اعتماد حاصل کنگ ءُُ انشورنس ءِ نیٹ ورک ءَ را گیش کنگ ءِ ھاترا ایشی ءِ معاملہءِ تہ گہتری آرگ،مارکیٹ ءَ را پراھی دیگ،مصنوعی ذہانت ءُُ رسک منیجمنٹ ءِ سرا دلگوشی دیگ ءِ ضلورت انت۔ایشی ءَ چہ پیسرءَ بنجاہی انشورنس محتسب ڈاکٹر خاور جمیل ءَ وتی گشتانک ءِ تہ محتسب ءِ ادارگ ءِ ارزشت اجاگر کنان ءَ گوشت کہ انشورنس ءِ باروا معاملہ ءُُ انشورنس محتسب ءِ کردار ءِ سرا روژنی مان کتگ۔آہاں گوشت کہ ملک ءِ تہ انشورنس انڈسٹری ءِ پراھ بوھگ انت،اے تک ءِ دیمروئی دراھیں شراکت دارانی حقانی رکھگ ءَ گوں ممکن انت۔انشورنس ایسوسی ایشن آف پاکستان ءِ چیئرمین محمد حسین، جوبلی لائف انشورنس ءِ زاہد برکی ءُُ ایکسپریس میڈیا گروپ ءِ سی ای او اعجاز الحقءَ سیمینار ءَ گوں ھم تران کتگ۔
