اسلام آباد۔ 7 جنوری (اے پی پی) مزن وزیر عمران خان ءِ 7 ارب ریلیف پیکیج ءِ رداسرجمیں ملکءِ تہ یوٹیلٹی سٹورز ءِ سرا (مروچی) چار شمبے ءَ چہ شکر، دال، برنج ءُُ روغن ءِ ھوار دگہ چیزانی سرا 7 چہ 40 کلدارے تاں سبسڈی دیگ بہ بیت، پیکیج ءِ ردا ارزاں چیزانی پھجارگ ءِ سرا یوٹیلٹی سٹورز ءِ دیما مزنیں لین لگ انت، یوٹیلیٹی سٹور چہ چیز بہازوروکیں مردمانی پجار کارٹ لمبر شنگ کنگ بہ بیت،یک ماہ ءِ تہ ماہ ءِ راشن یک رندا زورگ بہ بیت، یوٹیلٹی سٹور کارپوریشن ءَ مارچ ءِ تاں 5 ارب ءِ سامان گپتگ ات، پاسکو چہ دولکھ ٹن گندیم ارزاں نہاداں گپتگ ات،باندات ءِ تہ ریلیف پیکیج ءِ ردا 50ملین غریب،نادار ھاندان ءَ را راشن کارڈ دیگ بہ بنت۔حقدارءُُ نزوریں تبکانی زند وشھال جوڈ کنگ ءُُ آہانی زند ءِ معیار برز کنگ مزن وزیر عمران خان ءِ نصب العین،حکومت ءِ کمٹمنٹ ءُُ ریاست مدینہ ءِ سوچ ءِ عکاس انت،مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان دوشمے ءَ ادا چیئرمین یوٹیلٹی سٹور کارپوریشن ذولقرنین علی خان ءُُ ایم ڈی یوٹیلٹی سٹورکارپوریشن ءِ ہمبراہ میڈیا ءَ را بریفنگ دیگ ات۔مزن وزیر ءِ ھاسیں کمکار ڈاکٹر فردوس عاشق اعوانءَ گوشت کہ لس کنزیومر ءِ آسراتی،نزوریں ءُُ حقدارءِ مردمانی ھاترا ریاست ءِ رکھگ ءَ سدکی جوڈ کنگ ءِ ھاترا مزن وزیر ءَ یوٹیلٹی سٹورکارپوریشنءِ وسیلگ ءَ مہلوک ءَ را ریلیف دیگ ءِ ھاترا پیکج ءِ جار جتگ۔آہاں گوشت کہ مزن وزیر ءِ عہد انت کہ ہما وھد ءَ مالی پوزیشن گہتر بہ بیت تو ایشی ءِ ریلیف ءُُ نپ پاکستان ءِ مہلوک ءَ را رسیت۔آہاں گوشت کہ مزن وزیر ءِ جزم ءِ پدریں درشان انت کہ یوٹیلٹی سٹورز کارپوریشن سبسڈی والی دراھیں چیزانی اویلبلٹی ءَ را سدکی دارایت، سپلائی چینءَ گوں ھوار ساپ ءُُ پلگاریں سسٹم ءِ ردا حق دار ءَ را حق واتر کنگ بہ بیت، ادارگ ءِ تہ ھم وت احتسابی ءَ ر اھم سدکی دارگ بیت۔ریاست نزورءِ تبک ءِ دست ءَ سینگءِ تہ ایر کن ایت۔ چیئرمین یوٹیلٹی سٹور کارپوریشن ذوالقرنین علی خان ءَ گوشت کہ یک سال ءَ چہ چیئرمین ءِ بستار ءَ ہزمتاں پیلو کنگاں،زمہ واری سمبھالگ ءَ گوں اے ادارگ ءِ 14ارب پدمنتگیں زر ورثہ ءَ ملتگ انت، دومی نیمگا پی ٹی آئی حکومت آھگ ءِ پدا یوٹیلٹی سٹور ءِ کارندہ ننداک ءَ ات۔اے دراھیں جاورھال ءِ سرا مزن وزیر ءَ گوں گپ جتگ ءُُ آہانی کڈنی ات کہ 14ہزار کارندہاں چہ کسے ءَ را نوکری ءَ چہ کشگ مہ بیت۔آہاں گوشت کہ اے ٹیمب ءَ گوں ھواری ءَ مہلوک ءِ ہزمت ءُُ ریلیف پیکیج ءِ پھجارگ ءِ ھاترا سرجمیں ملک ءِ دراھیں یوٹلیٹی سٹورتیار انت،یوٹیلٹی سٹورز ءِ سرا آئی ٹی سسٹم نصب کنگ بوھگ انت ایشی ءَ چہ ھم باز گہتری کائیت۔آہاں گوشت کہ برانڈڈ پراڈکٹ ءِ نہاد مئے سگ ءَ نیست انت اے ھاترایوٹیلیٹی سٹور ءَ وتی روغن دیما آرتگ تو آئی ءِ نہادءِ سرا ھم گہبودی سدکی داتگ، اے روغن مہلوک ءَ را باز دوست انت۔آہاں گوشت کہ پاکستان ایگری کلچرل ملک انت ایشی ءِ ابید یک ءُُ نیم ملین ڈالر ءِ دال ڈن ءَ چہ لوٹارینگ بوھگ انت۔اے ھاترا دال ءُُ آئل ءِ نہاد سٹاک ایکسچینج ءِ پج ءَ جہل برز بوھگ انت۔آہاں گوشت کہ اے ادارگ زرانی جم کنگ ءِ ھاترا نہ بلکہ مہلوک ءَ را ریلیف دیگ ءِ ھاترا 1971ءِ تہ جوڈ دیگ بوتگ،استیں حکومت ءِ ترجیحی بنیاتاں اے سج ءِ کوکا ءِ گہتری ءِ سرا کار کنگ انت۔ایم ڈی یوٹیلٹی سٹور کارپوریشن ءَ گوشت کہ مزن وزیر ریلیف پیکیج ءِ ھاترا 5ارب کلدار ءِ سامان گپتگ ات،ہمارے یو ٹیلٹی سٹورز ءِ سرا تبدیلی چارگ بہ بیت،آہاں گوشت کہ مزن وزیر ریلیف پیکیج ءِ ردا سبسڈی والی دراھیں چیزانی سرا مہر لگ اتگ انت،اگہ مارکیٹ ءِ تہ کجا م ءِ دکان ءِ سرا اے سامان چارگ بوتگ تو ہما زونل ءُُ ریجنل منیجر ءِ ھلاپ ءَ کارروائی ءِ ھواری ءَ دکان ءِ واھند ءِ سرا ھم کیس کنگ بہ بیت۔
