سیاسی گلانی آرمی ایکٹ ترمیمی بل ءِ پلہ مرزی حقیقت ءَ پاکستان ءِ پلہ مرزی انت،بل ءِ منظوری ءِ سرا مزن وزیر ءُُ آرمی چیف ءَ را مراد باتی دیگ اوں،شیخ رشید

اسلام آباد۔ 7 جنوری (اے پی پی) بنجاہی وزیر ریلوے شیخ رشیدءَ گوشت کہ سیاسی گلانی آرمی ایکٹ ترمیمی بل ءِ پلہ مرزی ھقیقت ءَ پاکستان ءِ پلہ مرزی انت،بل ءِ منظوری ءِ سرا مزن وزیر عمران خان ءُُ آرمی چیف قمر جاوید باجوہ ءَ مراد باتی پیش کنگ اوں،دراھیں سیاسی تاگت ءُُ دراھیں راج پاک فوج ءَ گوں پج انت۔سئے شمبے ءَ وتی ویڈیو کلوھ ءِ تہ بنجاہی وزیر ریلوے شیخ رشید احمد ءَ گوشت کہ پیپلز پارٹی ءُُ نواز لیگ ءَ بل ءِ حق ءَ ووٹ مان کنان ءَ راجی زمہ واری ءِ ثبوت داتگ،ملک ءِ تہ جمہوریت ءِ گہتریں چاگرد بناء بوتگ۔