کوئٹہ۔ 07 جنوری (اے پی پی) کوئٹہ نا علاقہ میکانگی روڈ انا خڑک دھماکہ ٹی 2 بندغ زوال وخت اس کہ 14بندغ ٹھپی مسنو۔ پولیس نا رداٹ سے شنبے نا دے آ کوئٹہ شار انا گنجان آباد علاقہ میکانگی روڈ آدھماکہ ٹی فرنٹیئر کور نا گاڈی ءِ شست کننگا ہراٹی اِرا بندغ زوال وخت اس کہ 14 بندغ نثار احمد، محمد وارث، عمرخان، رازگل، عاصم، باران، محمد اختر، محمد ہاشم، عبدالخالق، زبیع اللہ، عمر زمان، عبدالغفار، محمد شویب، محمد روشن ٹھپی مسر، دھماکہ ٹی زوال کروک آتے ٹی اکرم اوار ءِ وخت اس کہ ایلو بندغ نا درستی راستی مننگ کتنے، غٹ ٹھپی تے سول ہسپتال آ گدریفنگا ہراڑے اوفتے طبی امداد تننگ انگ ءِ۔ سول ہسپتال کوئٹہ ٹی ایمر جنسی نافذ کننگانے و طبی عملہ ءِ بٹنگ انگانے، دھماکہ ٹی خڑک انا دوکان و ماڑی تا شیشہ غاک پنار و خلقت اٹی خوف و بھیم اس تالان مس۔ پولیس، فرنٹیئر کور و کانود نافذ کروک آ ادارہ غاتا کارندہ غاک علاقہ نا ناکہ بندی ءِ کرسا مستی جاست وپاست نابناءِ کرینو۔
