اسلام آباد۔ 07 جنوری (اے پی پی) وزیراعظم عمران خان نا دامون ایمون ایوان اٹی بنجائی وزیر آک، حکومتی و سیوتی جماعت آتا اسمبلی نا باسک آک کوٹومپہ ئسر۔ سے شنبے نادے آ وزیراعظم قومی اسمبلی نا دیوان نا بناءِ کننگ آن کم و ود 20 منٹ مست ایوان آ سرمس۔ داوخت آ بنجائی وزیر چوہدری فواد حسین، شیخ رشید احمد، بریگیڈیئر (ر) اعجاز شاہ، عمر ایوب خان، قومی اسمبلی نا باسک رمیش کمکار وینکوانی، نصراللہ دریشک، ثناء اللہ مستی خیل، امجد علی خان، ڈاکٹر افضل ڈھانڈلہ تون اوار چندی اسمبلی نا باسک آک وزیراعظم تون جوڑ و بڑ کریر و ہرے اسکان وزیراعظم نا دامون ایمون سلسا اوڑتون ہیت وگپ کرسا کریر۔
