اسلام آباد۔ 07جنوری (اے پی پی) وزارت خزانہ نا ترجمان پارینے کہ حکومت گرج انا گڑاتا نہاد آتا مون ءِ توننگ کن فعال و گچین گام گیج کننگ ءِ۔ وزارت خزانہ نا ترجمان عمر حامد خان سے شنبے نادے آ ٹویٹر آ جاری مروک آ اسہ کلہو اسے ٹی پارینے کہ حکومت نا کنڈآن المی گڑاتا نہاد آتا مون ءِ توننگ کن پبی گام گیج آتا بھرمک مون آ بننگ ءُ۔ اوپارے کہ دا گام گیج آتا سوب آن تُوئی بنداو تیا ٹماٹر نا نہاد آتے ٹی 36.5 درسد، شلغم20.6درسد، مولی 22.4درسد، مرچ 22.4درسد، پیماز 12.5درسد، گجر 16.9 درسد، چکن11.2 درسد، پالک 11 درسد، ادرک 8.6درسد، لیمبو اِرا درسد، کھیرا 2.9درسد و نت انا نہاد اٹی 1.1 درسد کمتی ریکارڈ کننگانے۔
