آرمی ایکٹ ترمیمی بل ءِ غٹ سیاسی جماعت آک منظور کریر، کانود جوڑ کننگ نا اختیار پارلیمنٹ تون ءِ
اسلام آباد۔ 07 جنوری (اے پی پی) وزیراعظم نا خصوصی کمکار سی ڈی اے علی نواز اعوان پارینے کہ آرمی ایکٹ ترمیمی بل ءِ غٹ سیاسی جماعت آک اواری اٹ منظور کرینو، کانود سازی نا اختیار پارلیمنٹ تون ءِ۔ داخیال آتا درشانی ءِ او سے شنبے نادے آ پارلیمنٹ ہاؤس نا پیشن میڈیا تون گپ و تران کرسا کرے۔ خصوصی کمکار پارے کہ قومی فائدہ غاتا رکھ اکن غٹ سیاسی جماعت آک اواری اٹ آرمی ایکٹ اٹی ترمیمی بل ءِ اسیجا وڑاٹ منظور کریر انتئے کہ سلہہ بند فوج پاکستان نا ءِ ہرا ملک انا دفاع و سیم تا سلامتی نا ضامن ءِ۔ اوپارے کہ سپریم کورٹ دا بابت کانود سازی نا پرمان کریسس ہرانا رداٹ اینو امنائی وڑاٹ بل ءِ منظور کننگانے۔ علی نواز اعوان اسہ سوج اسے نا ورندی ٹی پارے کہ کانود سازی کننگ نا اختیار بیرہ پارلیمنٹ تون ءِ اودے پارلیمنٹ تون ہی رہینگوئی ءِ۔
