اسلام آباد۔ 07 جنوری (اے پی پی) چین پاکستان اقتصادی راہداری (سی پیک) ڈٹ انا رداٹ ملک اٹی 9 خصوصی اقتصادی زون جوڑ کننگ انگ ءِ ہراٹی اولیکو زون علامہ اقبال انڈسٹریل زون نا ساڑی ٹی وزیراعظم بنداو ءِ تخا بروک آ اِرٹ آن شش تُو اٹی پین زون تا بنداو ءِ تخنگک۔ سی پیک اتھارٹی نا کمامدارآتارداٹ حکومت خصوصی اقتصادی زون تا جوڑ جاڑ و شونداری نا چرجوئی ءِ مون آ دننگ و حقی وڑاٹ ہدف آتے دوئی کننگ کن چینی شنزن اکنامک ماڈل ءِ مون آ تخک۔ وزیراعظم عمران خان پاکستان اٹی صنعتی شونداری کن خصوصی اقتصادی علاقہ غاتے اہم محرک گوندسا اوفتے پاکستان نا شونہالی نا مظہر گوندانے۔ یات سلے کہ شینزن اسہ اسہ چنکو مالی پرور خلق اسے آن گچین صنعتی شار انا سفر ءِ طے کرسا نئے بیرہ چین نا اقتصادی شونداری و سائنس و ٹیکنالوجی نا بشخ ءِ جدت نا کسر آ روان کننگ اٹ کلیدی کڑد اس ادا کرینے بلکن واپار ءِ مون آ دننگ اٹ ہم تینا بشخ ءِ شاغانے وخت اس کہ ”شنزن ماڈل“ نا کمک اٹ جوڑ جاڑ و شونداری نا عملءِ تواتر اٹ ”شنزن میریکل“ نا پن ہم تننگک۔ چین نا شار شنزن نا اقتصادی بشخ اٹی ترند انگا جوڑ جاڑ و شونداری ممکن مس ہرانا تدوک آ 40 سال اٹی چینی زرگزران آ ہم دوررس زہم تمانے۔ دا زون تا جوڑ کننگ آن روزگار نا پوسکن ءُ وارخواہی ودی مریک و برآمد آتے ٹی خاطر خواہ ودکی مریک ہراڑان ملک شونداری نا مزل آتے طے کیک۔
