اسلام آباد۔ 07 جنوری (اے پی پی) پاک فضائیہ نا تربیتی جہاز میانوالی ایئر بیس انا خڑک آ تمسا بھس مس، جہاز اٹی سوار 2پائلٹ شہید مسر۔ ترجمان پاک فضائیہ نا رداٹ پاک فضائیہ نا تربیتی جہاز ایف ٹی سیون (FT7) اٹی 2پائلٹ اسکوارڈن لیڈر حارث بن خالد و فلائنگ آفیسر عبادالرحمان سوار ئسر۔ تربیتی جہاز میانوالی ایئر بیس آن بال کریسس و لینڈنگ کننگ آن مست اوٹی فنی خرابی ودی مس ہرانا سوب او میانوالی ایئر بیس انا خڑک آ تمسا بھس مس۔ شکست نا حوال ملنگ آ امدادی ٹیمک موقع غا سرمسر و امدادی کارروائی تا بناءِ کریر وخت اس کہ فورس آک ہم علاقہءِ گھیڑ اٹی ہلکر۔ ایئر ہیڈ کوارٹرز واقعہ نا سوب آتے ہُننگ کن بورڈ اس جوڑ کرینے۔
