اسلام آباد۔ 07 جنوری (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ بنجائی حکومت آزاد کشمیر و گلگت بلتستان اٹی سیل و سوات ءِ مون آ دننگ کن پبی گام گیج کننگ ءِ، درملکی زرکار آک کشمیر و گلگت بلتستان اٹی زرکاری آن پبی فائدہ ہرفر،آ زاد کشمیر و گلگت بلتستان نا شمار دنیا نا گچین سیل و سواتی ہند آتے ٹی مریک، تدوک آ سال 20لکھ سیل و سواتی گلگت بلتستان نا کنڈ ابسر۔ داخیال آتا درشانی ءِ او سے شنبے نادے آ درملکی زرکار پڑک نا نمائندہ ڈل اتون اوڑدہی ٹی کرے۔ اوڑدہی ٹی بنجائی وزیر امور کشمیر و گلگت بلتستان علی امین خان گنڈاپور پارے کہ بنجائی حکومت آزاد کشمیر و گلگت بلتستان اٹی سیل و سوات ءِ مون آ دننگ کن پبی گام گیج کننگ ءِ۔ درملکی زرکارآک آزاد کشمیر و گلگت بلتستان اٹی زرکاری آن پبی فائدہ ہرفر۔ آزاد کشمیر و گلگت بلتستان نا شمار دنیا نا گچین سیل و سواتی ہند آتے ٹی مریک۔ اوپارے کہ تدوک آ سال 20 لکھ سیل و سواتی گلگت بلتستان آ رُخ کریر۔ بابو سرٹاپ ٹنل ڈٹ آ پیش رفت برجاءِ۔ حکومت سکردو ایئر پورٹ ءِ اپ گریڈ کننگ کن گام گیج کننگ ءِ۔ بنجائی وزیر پارے کہ گلگت بلتستان اٹی یخ انا موسم نا بابت ہم سیل وسوات ءِ مون آ دننگ انگ ءِ۔ علاقہ ٹی سکی انگ، آئس ہاکی و جیپ ریلی کون آ سرجز آتے مون آ دننگ انگ ءِ۔ اوپارے کہ حکومت درملکی زرکارآتے آزاد کشمیر و گلگت بلتستان اٹی زرکاری کن غٹ تر آسراتی تے تننگ ءِ۔ پیشن نا ملک رہینگوک کشمیری آزاد کشمیر اٹی سیل و سوات نا بشخ اٹی زرکاری آن فائدہ ہرفر۔ علی امین گنڈاپور پارے کہ پاکستان اٹی سیل و سوات نا بشخ اٹی شونداری نا گچین لائخی ساڑی ءِ۔ سیل و سوات ءِ مون آ دننگ آن زرگزران سوگو و الس ءِ روزگار نا وارخواہی دوبریک۔
