غٹ آن بھلا ویل صوبائی فنانس ایوارڈ نا مفننگ ءِ، شونداری فنڈ آک ضلع و تحصیل آتے بایدے ملر، بنجائی وزیر سائنس و ٹیکنالوجی چوہدری فواد حسین

اسلام آباد۔ 07 جنوری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ غٹ آن بھلا ویل صوبائی فنانس ایوارڈ نا مفننگ ءِ، شونداری فنڈ آک ضلع و تحصیل آتے بایدے ملر، سے شنبے نادے آ تینا اسہ ٹویٹ اسے ٹی او پارے کہ کنا موقف ءِ کہ شونداری فنڈ آک ضلع و تحصیل آتے ملر نہ کہ پارلیمنٹ نا باسک آتے۔ اوپارے کہ غٹ آن بھلا ویل صوبائی فنانس ایوارڈ نا مفننگ ءِ۔ شہباز شریف دور نا دا غلط روایت داوخت اسکان چلینگسا بننگ ءِ۔ اوپارے کہ وزیراعلاک ارب آ روپئی تے تینا صوابدیدی آ خڑچ کیرہ ہرا آئین تون عدم مطابقت ءِ۔