اسلام آباد۔ 07 جنوری (اے پی پی) بنجائی وزیر سائنس وٹیکنالوجی چوہدری فواد حسین پارینے کہ آرمی ایکٹ اٹی ترمیم نا بل کم و ود امنائی وڑاٹ پاس مس، اپوزیشن زمواری نا شاہدی ءِ تس ہراکہ ستاکڑزک، نیب انا کانود آ ہم اپوزیشن تون ہیت وگپ انا بناءِ کننگک۔ داخیال آتا درشانی ءِ او سے شنبے نادے آ پارلیمنٹ ہاؤس نا پیشن میڈیا تون گپ و تران کرسا کرے۔ چوہدری فواد حسین پارے کہ اینو بل کم و ود امنائی وڑاٹ پاس مسنے، اونا پاننگ ئس کہ اپوزیشن زمواری نا شاہدی ءِ تس ہراکہ ستاکڑزک۔ بھلا ویل آتیا ہندا چاگڑد بایدے برقرار سلے۔ اوپارے کہ سپریم کورٹ نا پرمان نا تعمیل ءِ کننگ اُن، ننے جج آتا عہدہ غاتا شرف ءِ کروئی ءِ، وزیراعظم نا عہدہ نا ہم شرف ءِ کروئی ءِ، دا بل (اینو) سینیٹ آن ہم پاس مریک۔ چوہدری فواد حسین پارے کہ نیب انا کانود آ اپوزیشن تون ہیت وگپ انا بناءِ کننگک، نیب آرڈیننس آ سلابت مریک، الیکشن کمیشن نا باسک آتا تقررہم مروئی ءِ۔ اسہ سوج اسے نا ورندی ٹی اوپارے کہ پارلیمنٹ آئین اٹی ترمیم کننگ کیک۔
