پاکستان ءُُ چین ءِ زرئی اُرد آنی نیام ءَ ششمی دو نیمگی ایکسرسائز ’’ سی گارڈینز2020‘‘ ءِ بنگیجی مراگش

کراچی ۔ 6 جنوری (اے پی پی) پاکستان ءُُ چینی زرّئی اُرد آنی نیام ءَ برجم بوھوکیں ششمی دو نیمگی ایکسرسائز ’’سی گارڈینز2020‘‘ ءِ بنگیجی مراگش بست ءُُ بند کنگ بوت ۔ دو شمبے چاڑی بوتگیں جار ءِ رد ءَ چینی بحریہ ءَ زرّباری تھیٹر کمانڈ ءِ دپٹی کمانڈ ءِ ڈپٹی کمانڈ روائس ایڈمرل ڈانگ ڑن مراگش ءِ ھاسیں مہمان ات ۔ اے موہ ءِ سر ءَ کمانڈر پاکستان فلیٹ وائس ایڈمرل آصف خالق ھم اے موہ ءِ سر ءَ ساڑی ات ۔ مراگش ءَ گوں گشتانک ءِ ساھت ءَ کمانڈر پاکستان فلیٹ وائس ایڈمرل آصف خالق ءَ چینی بحریہ ءِ جنوبی تھیٹر کمانڈر ءِ اپسرگ ءُُ ورنا آناں وش اتک کت ءُُ دوئیں ملک آنی تہ ءَ زرئی اُرد ءِ ھاسیں دوستی آنی رد ءَ ایکسرسائز سی گارڈینز 2020ءِ واستہ جوانیں منصوبگ بندی ءُُ گامگیج آنی زور دات تانکہ ایشی ءِ جوانیں رند پد سہرا بہ بنت ۔ ا ے ایکسرسائز پاکستان ءُُ چینی بحریہ ءِ نیام ءَ مھک میں دو نیمگی اُردی کمک آنی آدینگ انت ءُُ اے دوئیں زرئی اُرد آنی نیام ءَ دو نیمگی کمک آناں گیش ودین ایت ۔ دوئیں زرئی اُرد آنی نیمگ ءَ اپسرگ آنی ٹوھیں کساس ءِ مراگش ءَ ساڑی ات ۔