اسلام آباد۔ 6 جنوری (اے پی پی) سپیکر راجی اسمبلی اسد قیصر ءَ گوشت کہ پاکستان سعودی عرب ءِ گوما وتی جوانیں یکوئی آناں شرپ مندیں نگاہ آں گوں چار ایت، پاکستان ءَ را سعوادی عرب ءِ گوما وتی جوانیں دوستی ءِ سر ءَ پھر انت، پاکستان ءِ معاشی ءُُ چاگردی دیمروئی ءَ سعودی عرب ءِ کرد لائک ءِ ستا انت، سعودی عرب ءَ پاکستان ءِ چاگردی دیمروئی ءِ واستہ مُدام گوں پچیں دل ءَ کمک کتگ۔ اے ھیالانی درشانی آئی ءَ پاکستان ءَ پوسٹیں سعودی سفیر نواف بن سعید المالکی ءَ گوں گند ءُُ نند ءِ ساھت ءَ کت۔ گند ءُُ نند ءِ تہ ءَ دو نیمگی ءُُ وت مہ وتی واھگی کار آنی سر ءَ ھیال ریچی کنگ بوت۔ اے موہ ءِ سر ءَ سپیکر اسد قیصر ءَ گوشت کہ پاکستان ءَ سعودی عرب ءِ کمک ءَ چہ چلوکیں چاگردی ادارگ پاکستان ءَ بزگیں مردم آنی گہبود ءِ واستہ جوانیں کرد پیلو کنگ ءَ انت۔ آئی ءَ گوشت کہ پاکستان ءِ پارلیمانی ڈل ءِ استیں تر ءُُ تاب سعودی عرب ءِ جوانیں مہمان نوازی ءِ پد ءَ سعودی عرب ءِ سروک ءُُ الس آنی شگر ءُُ منت واری گپت۔ سعودی فرمانروا شاہ سلمان بن عبدالعزیز ءِ پاکستان ءِ سلامتی ءُُ دیمروئی ءِ واستہ سسا لائک ءِ ستا انت۔ آئی ءَ گوشت کہ تجارت ءِ دیمروئی ءِ واستہ دوئیں ملک آنی ایوان آنی تجارت ءِ واستہ استیں کمیٹی ارزشتی ایں کرد پیلو کت کناں۔ سعودی عرب ءَ نندوکیں پاکستانی سعودی عرب ءِ جوڑیشت ءُُ دیمروئی ءَ ارزشتی ایں کرد پیلو کنگ ءَ انت۔ سعودی سفیر ءَ سپیکر ءَ را سعودی عرب ءِ نیمگ ءَ پاکستان ءَ چاگردی شوبگ ءَ کمک جاڑی دارگ ءِ دل یکیمی دات۔
