ھزانگ صلاحکار ڈاکٹر عبدالحفیظ شیخ ءِ سروکی ءَ راجی اقتصادی کونسل ءِ انتظامی کمیٹی ءِ دیوان

اسلام آباد۔ 6 جنوری (اے پی پی) راجی اقتصادی کونسل ءِ انتظامی کمیٹی (ایکنک) ءَ جنوبی پنجاب ءِ تہ تخفیف غربت، برز تکی وانگی ءِ معیار ءِ تہ گہتری، پاکستان ملٹی مشن، کمیونیکیشن، سیٹلائٹ سسٹم (پاک سیٹ ایم ایم ون) ءُُ تربیلا فور پراھی ہائیڈرو پاور پراجیکٹ ءِ نظر ثانی شدہ پی سی ون ءِ ھوار 7 منصوبگانی منظوری داتگ۔راجی اقتصادی کونسل ءِ انتظامی کمیٹی (ایکنک) ءِ دیوان دوشمبے ءَ کابینہ ڈویژن ءِ تہ مزن وزیر ءِ ھزانگ ءِ صلاحکار ڈاکٹر عبدالحفیظ شیخ ءِ سروکی ءَ برجم دارگ بوتگ۔دیوان ءِ تہ وزارت منصوبہ بندی، دیمروئی وءُُ ھاسیں گامگیج ءِ سبب ءَ پیش کتگیں 7 منصوبگانی منظوری دیگ بوتگ۔راجی اقتصادی کونسل ءِ انتظامی کمیٹی (ایکنک) ءَ جنوبی پنجاب ءِ تہ تخفیف غربت ءِ ھوالہ چہ ایس پی پی اے پی/ ایفاد معاونتی نظر ثانی شدہ پراجیکٹ ءِ منظوری داتگ ایشی ءِ سرا 15.52 ارب کلدارھرچ بہ بنت۔ اے منصوبگ ءِ ھاترا کمک حکومت پنجاب ءُُ انٹرنیشنل فنڈ برائے کشت ءُُ کشاری دیمروئی پھجارایت۔اے منصوبگ ءِ سرا جنوبی پنجاپ ءِ مردمانی زند ءِ معیار برز بیت۔ایگری کلچرل پیداوار ءِ تہ ودکی کائیت وھدیکہ شہریاں را ورگ ءِ ساپیں آپ ءِ پھجارگ،ایریگیشن ءِ نظام ءِ تہ گہتری،شاھدگانی جوڈ دیگ،سینیٹیشنءِ آسراتی ءَ را گہتر کنگ ءِ تہ کمک رسیت۔ایشی ءَ چہ مچ ءِ وڈ ءَ جنوبی پنجاب ءِ تہ غربت ءِ کساس ءَ کمی کائیت۔اے منصوبگ 2023ء ءِ تہ سرجم بیت۔دیوان ءِ تہ شریداراں را حال دیگ بوتگ کہ ایکسچینج ریٹ ءِ تہ بدلی ءِ سبب ءَ منصوبگ ءِ ھرچ ءِ تہ ودکی اتکگ۔دیوان ءِ تہ ہائرایجوکیشن ڈویلپمنٹ ان پاکستان (ایچ ای ڈی پی) ءِ منظوری ھم دیگ بوتگ۔ اے منصوبگ ءِ سرا 12.08 ارب کلدار ھرچ اتکگ وھدیکہ 7.72 ارب کلدار میاں اوستمانی بینک پھجارایت۔اے منصوبگ ءِ ردا سٹریٹیجک تکانی تہ وانگی نظام ءِ تہ گہتری،مزن تکی وانگی ءِ ادارگہاں را ھم سنٹرلائزڈ کنگ،مزن تکی وانگی اداگہانی تہ نوکتریں تعلیم ءِ پھجارگ،ہائر ایجوکیشن مینجمنٹ اینڈانفارمیشن سسٹم ءُُ ڈیٹا ءِ بنیات ءِ سرا ٹیکنیکل کمک ءَ را پراھی دیگ بیت۔اے منصوبگ ءِ ردا ملک ءِ تہ آئی ٹی ہزمت ءَ ر اکارمرز کنان ءَ مزن تکی وانگی ءِ معیار ءَ رابرز کنگ بہ بیت۔دیوان ءِ تہ پاکستان ملٹی مشن، کمیونیکیشن، سیٹلائٹ سسٹم (پاک سیٹ ایم ایم ون) پراجیکٹ ءِ منظوری ھم دیگ بوتگ۔اے منصوبگ ءِ سرا 39.7 ارب کلدار ھرچ بہ بنت ایشی ءِ ھاترا 15 درسد فنڈز بنجاہی حکومت ءِ سالینہ دیمروئی مراگش وھدیکہ 85درسد فنڈز چین ءِ انسینٹو وام پھجارگ بہ بیت۔اے منصوبگ ءَ چہ موبائل ڈینسٹی، ٹیلی ڈینسٹی، براڈ بینڈ انٹرنیٹ ءِ آسراتی ءِ تہ ودکیءُُ صریع الاثر رابطہ کاری ءِ وسیلگ ءَ سیمسرءَ چہ ماورانوکریانی ہڈ دیگ ءَ را سدکی جوڈ کنگ بہ بیت۔اے منصوبگ 44 ماہ ءِ تہ سرجم بہ بیت۔دیوان ءِ تہ تربیلا فور توسیعی ہائیڈرو پاور پراجیکٹ ءِ نظر ثانی شدہ پی سی ون ءِ منظوری ھم دیگ بوتگ۔ایشی ءِ سرا 122.9 ارب کلدارھرچ بہ بنت۔منصوبگ ءِ ردا تربیلا ڈیم ءِ تہ توان ءِ استیں 3 ہزار 478 میگاواٹ ءِ پیداواری صلاحیت ءَ را 4 ہزار 888 میگاواٹ ءِ تاں گیش کنگ بہ بیت۔منصوبگ ءِ رد ااستیں ٹنل فور ءِ سرا 470 میگاواٹ ءِ سئے نوکیں یونٹس جنئگ بہ بنت۔اے منصوبگ ءِ ھاتراعالمی بینک 90 درسد (692 ملین ڈالر)کمک پھجارایت۔ 10 درسد وسیلگ واپڈا وتی نیمگا چہ پھجارایت۔اے منصوبہ خیبر پختونخوا ءِ ضلع صوابی ءُُ ہری پور ءِ تہ انت۔دیوان ءِ تہ الٹرنیٹو انرجی ڈویلپمنٹ سیکٹر انویسٹنمنٹ پروگرام تھری (نظر ثانی شدہ) منصوبگ ئئِ ھم منظوری دیگ بوتگ ایشی ءِ سرا 12.8 ارب کلدار ھرچ بہ بنت۔اے منصوبیگ ءِ ھاتراپنجاب حکومت ءُُ عالمی بینک کمک پھجارانت۔ منصوبگ ءِ ردا مرالہ ءِ تہ 7.64 میگاواٹ، چینوالی ءِ تہ 5.38 میگاواٹ، ڈیک آؤٹ فال ءِ تہ 4.04 میگاواٹ وھدیکہ پاکپتن ءِ تہ 2.82 میگاواٹ توان الٹرنیٹو ریسیوسز ءَ چہ ودی کنگ بیت۔دیوان ءِ تہ جھمپیرءُُ گاڑو ونڈ پلاسٹر چہ توان ءِ پھجارگ ءِ منصوبگ ءِ سرا نظر ثانی کتگیں پی سی ون ءِ منظوری دیگ بوتگ ایشی ءِ سرا 13.40 ارب کلدار ھرچ کائیت۔اے منصوبگ ءَ را نیشنل ٹرانسمیشن اینڈ ڈسپیچ کمپنی (این ٹی ڈی سی)سرجم کن ایت۔منصوبگ ءِ ردا جھمپیر ءُُ گاڑو ءِ تہ الٹرنیٹو ریسورسز ءَ چہ ودی بیوکیں 1256 میگاواٹ توان ءَ را ٹرانسمیشن لائن ءِ وسیلگ ءَ حیسکو ءَ را دیگ بہ بیت۔اے منصوبگ ءِ ھاترا کے ایف ڈبلیو 27 ملین یورو ءِ کمک پھجارایت۔ منصوبگ 33 ماہ ءِ تہ سرجم بہ بیت۔دیوان ءِ تہ 15 جولائی 2019ءَ ایکنک ءِ دیوان ءِ تہ تکشیل کتگیں کمیٹی ءِ رپورٹ ھم پیش کنگ بوتگ۔اے کمیٹی سرکاری تک ءِ تہ توان ءِ منصوبگانی ھاترا ٹیرف ءِ تعین ءِ ھوالہ چہ جوڈ کنگ بوتگ رپورٹ ءِ ردا پیسلہ کنگ بوتگ کہ باندات ءِ تہ پی ایس ڈی پی ءِ ردا دیما کرتگیں توان ءِ منصوبگانی ھاترا ٹیرف ءِ تعین نیپرا کن ایت۔اے مکسد ءِ ھاترا اے منصوبگانی پی سی ون،ای پی سی ءُُ ڈی ءِ بھرءَ ٹیرف ءِ ھاترا نیپرا ءَ گوں رھوت کنگ بہ بیت۔دیوان ءِ تہ وزارت منصوبگ بندیءَ را آوکیں دیوان ءِ تہ پی ایس ڈی پی ءِ ردا منصوبگانی تہ دیمروئی ءِ رپورٹ پیش کنگ ءِ کڈنی داتگ۔