راجی اسمبلی قائمہ کمیٹی دفاع ءَ سلاھ بندیں اُردو ءِ سروکانی وھد ءُُ پاس ءِ تہ پراھی ءِ سئے بل آنی تپاکی ءَ گوں منظوری داتگ، آرمی ترمیمی ایکٹ (مروچی)دوشمبے ءَ راجی اسمبلی ءِ تہ پیش کنگ بہ بیت
اسلام آباد۔ 6 جنوری (اے پی پی)راجی اسمبلی ءِ قائمہ کمیٹی دفاع ءَ سلاھ بندیں اُردو ءِ سروکانی نوکری ءِ وھد ءِ تہ پراھی ءِ ھوالہ چہ سئے بل آنی گوں تپاکی ءَ منظوری داتگ، آرمی ترمیمی ایکٹ (مروچی)سئے شمبے ءَ راجی اسمبلی ءِ تہ پیش کنگ بہ بیت۔ وزیر دفاع پرویز خٹک ءَ قائمہ کمیٹی ءِ دیوان ءِ پدا میڈیا ءَ را بریفنگ دیان ءَ گوشت کہ آرمی ترمیمی ایکٹ ءِ قائمہ کمیٹی چہ گوں تپاکی ءَ منظوری ءِ سرا دراھیں راج ءَ را مراد باتی داتگ،اے ھوالہ چہ حکومت ءُُ اپوزیشن یک پیج ءِ سرا انت،کل فوج ءِ گوما ھواری اوشتاتگ انت۔وزیر دفاع پرویز خٹکءَ گوشت کہ آرمی ترمیمی ایکٹ (مروچی) دوشمبے ءَ راجی اسمبلی ءِ تہ پیش کنگ بہ بیت۔یک جستے پسو ءَ آہاں گوشت کہ کسے ھم ٹریک ءَ چہ پدا مہ بوھگ انت،دراھیں سیاسی گل یک پیج ءِ سرا انت ءُُ سلاھ بندیں اُردو ءَ گوں اوشتاتگ انت، غلط فہمی ودی مہ کنگ بنت۔ایشی ءَ چہ پیسرءَ راجی اسمبلی ءِ قائمہ کمیٹی برائے دفاع ءِ ان کیمرہ دیوان دوشمبے ءَ چیئرمین کمیٹی امجد علی خان ءِ سروکی ءَ پارلیمنٹ ہاوس ءِ تہ برجم دارگ بوتگ۔وزیر دفاع پرویز خٹک،بنجاہی وزیر کانود ءُُ انصاف بیرسٹر فروغ نسیم ءِ ابید حکومتی ءُُ اپوزیشن ءِ باسکاں بھرزوری کتگ۔دیوان ءِ تہ سلاھ بندیں اُردو ءِ سروکانی نوکری ءِ وھد ءُُ پاس ءِ تہ دراجی ءِ ھاترا آرمی ایکٹ ترمیمی بل ءِ سرا چار ءُُ بچار کنگ ءِ پدا تپاکی ءَ گوں منظور کتگ۔(ن۔ا۔ج)
