تہی کارانی ایڈیشنل چیف سیکرٹری ءَ چہ 24کلاکانی تہ رپورٹ لوٹ کرتگ
لاہور۔6 جنوری(اے پی پی)سر وزیر پنجاب سردار عثمان بزدار ءَ کیمپ جیل لاہور ءِ تہ آتشزدگیءِ واکیہ ءِ نوٹس زوران ءَ پٹ ءُُ پول ءِ حکم داتگ، سر وزیر ءَ کیمپ جیل ءِ تہ یک شمبے ءَ شپ ءِ ساعت ءَ نیب ءِ بیرک ءِ تہ اناگت ءَ آس لگگ ءِ واکیہ ءِ نوٹس زوران ءَ تہی کارانی چیف سیکرٹری مومن علی آغا ءَ را حکم داتگ کہ واکیہ ءِ24کلاک ءِ تہ سرجمیں رپورٹ پیش کنگ بہ بیت۔آہاں واکیہ ءِ سبب ءِ تعین کنگ ءِ کڈنی ھم کتگ،پدر بہ بیت کہ گوستگیں شپ ءَ کیمپ جیل نیب ءِ بیرک ءِ تہ اناگت ءَ آس لگ اتگ،بیرک ءِ تہ ساڑی (ن) لیگ ءِ راھشون خواجہ سعد رفیق ھم اے واکیہ ءِ تہ ٹپی بوتگ ات،جیل انتظامیہ ءَ آس لگگ ءِ حال ریسکیو 1122 ءَ را نہ داتگ ءُُ جیل انتظامیہ ءَ آس ءِ سرا وت گرودار کتگ۔
