مزن وزیر عمران خان ءَ منشیات ءِ گر ءُُ دار ءِ واستہ ”زندمان“ ایپلی کیشن ءِ بنگیجی مراگش ءَ گوں گشتانک

اسلام آباد۔ 6 جنوری (اے پی پی) مزن وزیر عمران خان ءَ گوشت کہ منشیات ءِ گر ءُُ دار ءِ واستہ زھگ آنی گوما ابیوز ءِ جیڈھ ٹوھیں جیڈھ ءِ جوڑ بوتگ ءُُ اے پاکستان ءِ واستہ شرمناکیں گپ ات، اے جیڈھ آں گوں گر ءُ چیل بوھگ یک ادارگ یا محکمہ ءِ کار نہ انت بلکینگ ءَ مات ءُُ پت، استاد، عالم ءُُ مُلا آں ھوار سرجمیں راج ءَ را یکجاھ ءُُ یکمشتی ءَ ایشی ءِ ھلاپ ءَ اوشتگ لوٹ ایت ءُُ سرجمیں چاگرد ءَ را اے جنگ باج برگ لوٹ ایت۔ آ دو شمبے ءَ منشیات ءِ گر ءُُ دار ءِ واستہ ”زندمان“ ایپلی کیشن ءِ بنگیجی مراگش ءَ گوں گشتانک دیان ءَ کت۔ اے موہ ءِ سر ءَ وزیر ءِ توکی کار بریگیڈیئر (ر) اعجاز احمد شاہ، مزن وزیر ءِ ھاسیں کمکار برائے شنگ کاری ءُُ اھوالکاری ڈاکٹر فردوس عاشق اعوان، وزیر ءِ مملکت برائے منشیات شہر یار آفریدی ءُُ مزن وزیر ءِ ھاسیں جان سلامتی پڑے کمکار ڈاکٹر ظفر مرزا اے موہ ءِ سر ءَ ساڑی اتنت۔ مزن وزیر ءَ منشیات ءِ ھلاپ ءَ موبائل ایپلی کیشن ءِ تیاری ءُُ بنگیج ءِ ھوالگ ءَ سیادی داروکیں ادارگ آناں مبارک بات دیان ءَ گوشت کہ منشیات ءِ کارمردی ورنا ئیں باھند آنان تباہ کنگ ءَ انت۔ آئی ءَ گوشت کہ ایش مئے چاگرد ءِ ٹوھیں جیڈھ ءِ جوڑ بوتگ بلے بد بھتی ءَ اے ھوالگ ءَ الس آناں گیش زانت ءُُ سرپدی نیست۔