اسلام آباد۔ 06جنوری (اے پی پی) وزیراعظم عمران خان منشیات نا کاریم اٹ اتنگ ءِ توننگ نا بابت ایپلیکیشن ”زندگی“ نا بناءِ اینو دوشنبے نادے آ کیک۔ دا موبائل اپلیکیشن منشیات نا توننگ نا رداٹ اہم ءُ پیش رفت اسے۔ وزیراعظم میڈیا آفس آن جاری بیان نار داٹ دا ایپلیکیشن نا سوب منشیات نا توننگ، و منشیات تون تعلقدار غٹ المی معلومداری تا فراوانی دوبریک۔ ورناچین ءِ منشیات نا عفریت آن بچفنگ و راج اٹی منشیات نا کاریم اٹ اتنگ نا توننگ و شیف خلنگ ساڑی حکومت نا اولیت آتے ٹی اوار ءِ۔ ساڑی حکومت منشیات نا برخلاف جامع پالیسی اس جوڑ کرینے۔ زندگی ایپلیکیشن راج ءِ منشیات نا عفریت آن رکھ تخنگ اٹ اہم ءُ مزل نا نشان اس مریک۔
